'ప్రిన్స్' మూవీ రిలీజ్ డేట్ అప్పుడే..

దిశ, వెబ్‌డెస్క్: తమిళ స్టార్ హీరో శివకార్తికేయన్ సీమరాజు సినిమాతో తెలుగు ఇండస్ట్రీకి ఎంట్రీ ఇచ్చాడు. ఆ తర్వాత రెమో మూవీతో తెలుగులోనూ ఫుల్ ఫాలోయింగ్ సంపాదించుకున్నాడు. అనుదీప్ దర్శకత్వంలో శివకార్తికేయన్ హీరోగా, నటిస్తున్న తాజా చిత్రం 'ప్రిన్స్'. ఈ సినిమాలో ఉక్రెయిన్ భామ మరియా కథానాయికగా నటిస్తోంది.

ఈ మూవీ నుంచి ఇప్పటికే విడుదలైన పోస్టర్ ప్రేక్షకులను ఎంతగానో ఆకట్టుకుంది. ఒక్క పోస్టర్ తోనే సినిమాపై భారీ అంచనాలను పెంచేసింది చిత్ర యూనిట్. ఈ మూవీ రీలీజ్ ఎప్పుడెప్పుడా అని అభిమానులు ఎదురు చూస్తున్నారు. అయితే చిత్రబృందం వీరికి గుడ్ న్యూస్ తెలిపింది. ఈ దీపావళికి అంటే అక్టోబర్ 24 న ప్రిన్స్ సినిమా తెలుగు, తమిళంలో విడుదల చేయనున్నట్లు ఓ వెరైటీ విడీయోతో మేకర్స్ అనౌన్స్ చేశారు. ఈ విషయాన్ని స్వయంగా శివకార్తికేయన్ తన ట్విట్టర్ ద్వారా వీడియోను షేర్ చేస్తూ తెలిపారు. దీంతో కార్తికేయన్ ఫ్యాన్స్ ఫుల్ ఖుషి అవుతున్నారు.