టాలీవుడ్ ఇండస్ట్రీకి ఎంట్రీ ఇస్తున్న ప్రేమలు బ్యూటీ.. ఫస్ట్ లుక్ పోస్టర్ రిలీజ్

దిశ, సినిమా: యంగ్ హీరోయిన్‌ మమితా బైజు మలయాళంలో ‘ప్రేమలు’ సినిమాలో నటించి ఓవర్ నైట్‌ స్టార్ అయిపోయింది. అయితే ఇది చిన్న సినిమాగా వచ్చి బాక్సాఫీసు వద్ద ఘన విజయం సాధించింది. దీంతో మమితా బైజు‌కు అన్ని ఇండస్ట్రీల్లో ఫుల్ పాపులారిటీ వచ్చింది. అంతేకాకుండా ఈ అమ్మడు యూత్ కలల రాణిగా కూడా మారిపోయింది. సోషల్ మీడియాలోనూ ఫుల్ యాక్టివ్‌గా ఉంటూ పలు ఫొటోస్ షేర్ చేసి అందరినీ మంత్రముగ్దులను చేస్తుంది. ఈ క్రమంలో.. తాజాగా, మమితా బైజు ‘డియర్ కృష్ణ’ అనే తెలుగు సినిమాతో ప్రేక్షకుల ముందుకు రాబోతుంది.

ఇందుకు సంబంధించిన ఫస్ట్ లుక్ పోస్టర్ కూడా విడుదలైంది. క్యారెక్టర్స్ రివీల్ చేస్తూ మ్యూజిక్‌ను కూడా మేకర్స్ యాడ్ చేసి ప్రేక్షకులను ఆకట్టుకున్నారు. అయితే ఈ సినిమాకు దినేష్ బాబు దర్శకత్వం వహిస్తుండగా.. అక్షయ్ హీరోగా నటిస్తున్నాడు. ఇందులో ఐశ్వర్య ఉల్లాస్ కూడా మరో హీరోయిన్‌గా నటిస్తోంది. దీనిని దినేష్ పీఎన్‌బీ సినిమాస్‌ బ్యానర్‌పై నిర్మించనున్నారు. మొత్తానికి ‘ప్రేమలు’లో మమితా బైజును చూసి.. తెలుగులో ఎప్పుడెప్పుడు చూస్తామా అని ఎదురు చూసిన ప్రేక్షకులకు ‘డియర్ కృష్ణ’ ఫస్ట్ లుక్‌తో క్లారిటీ వచ్చింది. కానీ కొందరు ఫ్యాన్స్ మాత్రం స్టార్ హీరో సినిమాలో నటించే చాన్స్ వచ్చేదేమో అనవసరంగా చిన్న చిత్రాన్ని సెలెక్ట్ చేసుకుందని అభిప్రాయపడుతున్నారు.