Pradeep Machiraju: టీడీపీ ఎమ్మెల్యేతో యాంకర్ ప్రదీప్ పెళ్లి ఫిక్స్.. ముహూర్తం కూడా ఖరారు..!
బుల్లి తెర యాంకర్ ప్రదీప్ మాచిరాజు గురించి ప్రత్యేకించి చెప్పనక్కర్లేదు.
దిశ, సినిమా: బుల్లి తెర యాంకర్ ప్రదీప్ మాచిరాజు గురించి ప్రత్యేకించి చెప్పనక్కర్లేదు. చిన్న చిన్న షోస్‌తో మొదలైన ఈయన కెరీర్ నేడు సినిమాల్లో హీరోగా నటించే స్థాయికి ఎదిగాడు. ఇక ఈయనకు బాగా ఫేమ్ తెచ్చిపెట్టిన షో అంటే ‘ఢీ’ అనే చెప్పుకోవాలి. అక్కడ సుడిగాలి సుధీర్‌తో కలిసి చేసే కామెడీకి ప్రేక్షకుల పొట్ట చెక్కలయ్యదేది. ఇప్పటికీ ప్రదీప్ గుర్తుకు రాగానే మన ఫేస్‌లో ఓ చిరునవ్వు వస్తుంది అని అనడంలో ఏమాత్రం సందేహం లేదు. అలా యాంకరింగ్‌లో ఓ ఊపు ఊపేసిన ప్రదీప్ కొన్ని నెలలుగా యాంకరింగ్ ఆపేసి అజ్ఞాతంలోకి వెళ్లిపోయాడు. అయితే దీనికి కారణం అతను వరుసగా 4 సినిమాలకు సైన్ చేయడమే కారణం. వాటిలో ఒకటి ‘అక్కడ అమ్మాయి.. ఇక్కడ అబ్బాయి’. ఈ సినిమాలో హీరోయిన్‌గా ఢీ షోలో కో యాక్టర్‌గా చేసిన దీపిక పిల్లి. ఇక ప్రదీప్ మొదటగా ‘30 రోజుల్లో ప్రేమించడం ఎలా’ అనే మూవీలో నటించాడు. ఈ సినిమా కమర్షియల్‌గా పెద్ద హిట్ అయింది. మరీ ముఖ్యంగా ‘నీలీ నీలీ ఆకాశం ఇద్దామనుకున్నా’ అనే సాంగ్ అయితే అప్పట్లో ఎంత సంచలనం స‌ృష్టించిందో మనందరికీ తెలిసిందే. ఈ పాట ఇప్పటికీ కుర్రాళ్ల ప్లే లిస్ట్‌లో ఉంటుంది అని అనడంలో ఏ మాత్రం అతిశయోక్తి లేదు.
ఇదిలా ఉంటే.. బుల్లితెర రంగంలో మోస్ట్ ఎలిజిబుల్ బ్యాచిలర్స్‌లో ఒకడు ప్రదీప్ మాచిరాజు. ఈయన పెళ్లి గురించి ఎన్నో జోక్స్ ఎంటర్‌టైన్‌మెంట్ షోలో వేసుకునేవారు. అయితే చాలా కాలం నుంచి ప్రదీప్.. ఓ యంగ్ లేడీ పొలిటీషియన్‌తో రహస్య ప్రేమాయణం నడుపుతున్నాడట. వీరిద్దరూ కలిసి పబ్‌లో కనిపించడం, దానికి సంబంధించిన ఫొటోలు అప్పట్లో తెగ వైరల్ అవ్వడం అందరికీ తెలిసిందే. ప్రస్తుతం ఈమె టీడీపీ, జనసేన ప్రభుత్వంలో ఎమ్మెల్యేగా ఎన్నికైంది. పోటీ చేసిన మొదటి సారి గెలవడం గమనార్హం. అంతేకాదు ఈమె అందానికి సోషల్ మీడియాలో విపరీతమైన ఫ్యాన్ ఫాలోయింగ్ ఉంది. యంగ్ ఎమ్మెల్యేగా దూకుడుతో దూసుకుపోతున్న ఈమెతో ప్రదీప్ ఈ ఏడాది పెళ్లి పీటలు ఎక్కబోతున్నట్లు విశ్వసనీయ వర్గాల సమాచారం. మరి ఇందులో నిజమెంతుందో తెలియనప్పటికీ ప్రస్తుతం ఈ న్యూస్ నెట్టింట హల్‌చల్ చేస్తోంది.