మై 'డియర్ భూతం' అంటూ వచ్చేస్తున్న ప్రభుదేవా..

దిశ, వెబ్‌డెస్క్: ప్రభుదేవా ఈ పేరుకు ప్రత్యేక పరిచయాలు అవసరం లేదు. డాన్సర్‌గా వచ్చి నటుడిగా, కొరియోగ్రాఫర్‌గా ఎదిగి మంచి గుర్తింపు సంపాదించుకున్నాడు. అంతే కాకుండా దర్శకుడిగా తనకంటూ ప్రత్యేక మార్క్ క్రియోట్ చేసి, స్టార్ హీరోల నుంచి చిన్న హీరోల వరకు అందరి సినిమాలకు డైరెక్ట్ చేశాడు.

తెలుగుతో పాటు హిందీ, తమిళంలో పలు సినిమాలు తీశాడు. అయితే తాజాగా 'మై డియర్ భూతం'మరోసారి ప్రేక్షకులను అలరించడానికి వచ్చేస్తున్నాడు. రమేష్‌ పి. పిళ్లయ్‌ నిర్మించిన ఈ తమిళ చిత్రాన్ని తెలుగులో శ్రీలక్ష్మి జ్యోతి క్రియేషన్స్‌ అధినేత ఏఎన్‌ బాలాజీ విడుదల చేస్తున్నారు. ఈ మూవీలో ప్రభుదేవా జీనీ పాత్రలో నటించాడు. ఈ సినిమాకు సంబంధించిన ఫస్ట్ లుక్ పోస్టర్ సోషల్ మీడియాలో హల్ చల్ చేస్తుంది. ప్రస్తుతం ఈ సినిమా పోస్ట్‌ ప్రొడక్షన్‌ పనులు జరుగుతున్నాయి.