Salaar లో ప్రభాస్ డ్యూయ‌ల్ రోల్.. అందుకోసమేనా ఈ మార్పు

దిశ, సినిమా: Prabhas Plays Dual Role In Salaar Movie| టాలీవుడ్ వ‌ర్గాలు ఆస‌క్తిగా ఎదురుచూస్తున్న సినిమాల్లో స‌లార్ ఒక‌టి. కేజీఎఫ్‌ 2 స‌క్సెస్ త‌ర్వాత ద‌ర్శకుడు ప్రశాంత్ నీల్ తెరకెక్కిస్తున్న ఈ సినిమాపై అంచ‌నాలు ఆకాశాన్నంటాయి. ఈ క్రమంలో చిత్రానికి సంబంధించి మ‌రో ఆసక్తికర వార్త సోష‌ల్ మీడియాలో చక్కర్లు కొడుతోంది. స‌లార్ సినిమాలో ప్రభాస్ డ్యూయ‌ల్ రోల్ చేయ‌నున్నాడని, టూ షేడ్స్ ఉంటాయని వార్తలు వినిపిస్తున్నాయి. ఈ సినిమాలోని ఓ క్యారెక్టర్ కోస‌మే ప్రభాస్ బ‌రువు త‌గ్గి స్లిమ్‌గా మారిన‌ట్లు చెబుతున్నారు. ఈ మూవీలో శృతిహాస‌న్ క‌థానాయిక‌గా న‌టిస్తుండగా.. మ‌ల‌యాళ న‌టుడు పృథ్వీరాజ్ సుకుమారన్, జ‌గ‌ప‌తిబాబు కీల‌క పాత్రలు పోషిస్తున్నారు. ద‌క్షిణాది భాష‌ల‌తో పాటు హిందీలోనూ ఈ సినిమాను రిలీజ్ చేయ‌బోతున్నారు. దాదాపు రూ. 200 కోట్ల వ్యయంతో ఈ చిత్రాన్ని నిర్మిస్తున్నారు.