Pawan Kalyan: రెమ్యునరేషన్‌లో పవన్ కళ్యాణ్ రికార్డ్.. టాలీవుడ్‌లో సెకండ్ ప్లేస్

దిశ, సినిమా : Pawan Kalyan is Said to be Occupying Second Highest Remuneration In Tollywood| బాలీవుడ్ మార్కెట్‌లో తెలుగు సినిమాల హవా కొనసాగుతున్నందున టాలీవుడ్ చిత్రాల బడ్జెట్‌తో పాటు హీరోల రెమ్యునరేషన్ కూడా పెరిగిందని తెలిసిందే. పాన్ ఇండియా క్రేజ్ సంపాదించుకున్న స్టార్స్ కొంచెం ఎక్కువే డిమాండ్ చేస్తున్నారు. బాహుబలి స్టార్ ప్రభాస్ ఒక్కో అసైన్‌మెంట్‌కు ఏకంగా రూ.100 కోట్ల వరకు తీసుకుంటుండగా.. టాలీవుడ్‌ బిగ్గెస్ట్ స్టార్స్‌ మహేష్ బాబు, అల్లు అర్జున్ దాదాపు రూ.40-50 కోట్ల వరకు వసూలు చేస్తున్నారు. ఇక 'పుష్ప' పాన్ ఇండియా రేంజ్‌లో సక్సెస్ అయినందున బన్నీ తన తదుపరి చిత్రానికి భారీగా డిమాండ్ చేసే అవకాశం ఉంది.

ఇదిలా ఉంటే.. వారందరినీ అధిగమించిన పవర్ స్టార్ కళ్యాణ్ ఇప్పుడు తెలుగు ఇండస్ట్రీలో ప్రభాస్ తర్వాత అత్యధిక పారితోషికం తీసుకునే రెండో స్టార్‌గా నిలిచాడు. తమిళ చిత్రం 'వినోదయ సిత్తం'కు రీమేక్‌గా తెరకెక్కుతున్న తన అప్‌కమింగ్ ఫిల్మ్ కోసం పవన్ దాదాపు రూ.60 కోట్లు తీసుకుంటున్నట్లు సమాచారం. తన గత చిత్రాలు 'వకీల్ సాబ్, భీమ్లా నాయక్' కోసం కూడా దాదాపు రూ.50 కోట్లు వసూలు చేయడం విశేషం.