నిరసన తెలుపుతున్న రైతులు.. అరెస్టు చేస్తున్న పోలీసులు..

దిశ, దిలావర్పూర్ : దిలావర్పూర్ మండలంలో నిర్మిస్తున్న ఇతనాల్ ఫ్యాక్టరీ రద్దు చేయాలని ఆందోళన చేస్తున్న నిరసనకారులను పోలీసులు దిలావర్పూర్, గుండంపల్లి గ్రామాలలో అరెస్టు చేస్తున్నారు. దిలావర్పూర్ గుండంపల్లి గ్రామంలో భారీగా పోలీసులు మోహరించారు. నిర్మల్, బైంసా జాతీయ రహదారి పై ఆందోళనలో చేసిన వారిని అరెస్టు చేసి నర్సాపూర్, నిర్మల్ పోలీస్ స్టేషన్ కు తరలిస్తున్నారు. మంగళవారం రాత్రి ఆర్డీఓను అడ్డుకున్న సందర్భంగా పోలీసులు మహిళల పై లాఠీ ఛార్జ్ చేసి ఆర్డీవోను విడిపించారు. పోలీసులతో ప్రజలు ప్రతిఘటిస్తున్నారు. అక్రమ అరెస్ట్ లు సరైనవి కావు అని తాము శాంతియుతంగా ఆందోళన చేస్తున్నటువంటి వారిని పోలీసులు రెచ్చగొడుతున్నారని ప్రజలు ఆరోపిస్తున్నారు.