పురాతన ఇంట్లో ఆ పనులు చేస్తూ పట్టబడ్డ నారాయణపేట వ్యాపారులు..?

దిశ, నారాయణపేట : నారాయణపేట జిల్లా కేంద్రంలోని బ్రాహ్మణ వాడి వీధిలోనీ పురాతన ఇంట్లో పేకాట ఆడుతున్న కొందరు పేకాటరాయుళ్లను ఆదివారం రాత్రి పోలీసులు పట్టుకుని అదుపులోకి తీసుకున్నారు. గత కొన్ని నెలలుగా బ్రాహ్మణ వాడిలోని ఆ పురాతన ఇంట్లో పేకాటతో పాటు ఫుల్లుగా మద్యం సేవిస్తున్న ట్లు పోలీసులకు పక్కా సమాచారం అందడంతో పోలీసులు మెరుపుదాడి చేసి పేకాటరాయుళ్లను అదుపులోకి తీసుకున్నారు. కాగా పోలీసులు అదుపులోకి తీసుకున్న వారిలో పట్టణానికి చెందిన ప్రముఖ ఎలక్ట్రీషియన్ మిస్కిన్ లక్ష్మణ్, ప్రముఖ సెల్‌ ఫోన్ వ్యాపారి పటేపురాని రమేష్, మజ్జిగ వ్యాపారి అంతు ఆనంద్, గోపాల్, నరసింహగౌడ్ ఉన్నారు. కాగా వీరిని అదుపులోకి తీసుకున్న పోలీసులు వివరాలు గోప్యంగా ఉంచారు. సోమవారం (నేడు) పట్టుబడిన పేకాటరాయుళ్ల ల్లో ఒకరిద్దరి పేర్లు మార్పు చేసే అవకాశం ఉందని అనుమానాలు వ్యక్తమవుతున్నాయి.