Kodali Nani: 2024 గన్నవరం వైసీపీ అభ్యర్థి వల్లభనేని వంశీనే: కొడాలి నాని

దిశ, ఏపీబ్యూరో: Kodali Nani Says, Vallabhaneni Vamsi will Contest for YCP In Gannavaram| గన్నవరం నియోజకవర్గ వైసీపీ ప్లీనరీ సమావేశంలో మాజీ మంత్రి కొడాలి నాని సంచలన వ్యాఖ్యలు చేశారు. వచ్చే ఎన్నికల్లో గన్నవరం అసెంబ్లీ సీటు వల్లభనేని వంశీదే అని తేల్చేశారు. 2024లో గన్నవరం వైసీపీ అభ్యర్థిగా స్థానిక ఎమ్మెల్యే వంశీ పోటీ చేస్తారని స్పష్టం చేశారు. గన్నవరంలో పోటీ చేయడానికి తెలుగు దేశం పార్టీకి అభ్యర్థులే లేరని ఎద్దేవా చేశారు. తండ్రిపేరు కూడా చెప్పుకోని చంద్రబాబు మామ ఎన్టీఆర్‌కు వర్ధంతులు, జయంతులు, పెళ్లి రోజులు చేస్తారని ఆరోపించారు. ఎన్టీఆర్ కుటుంబాన్ని ఒక మాట అంటే సింపతి కోసం ఎక్కిఎక్కి ఏడ్చే చంద్రబాబు, తనతండ్రి ఖర్జూరపు నాయుడిని వెయ్యి మాటలు అన్నా పట్టించుకోరని అన్నారు. మామ ఎన్టీఆర్‌కే కాదు అవకాశం కోసం ఎవరికైనా వెన్నుపోటు పొడిచే వ్యక్తి చంద్రబాబు అన్న కొడాలి నాని, 2024లో వైసీపీని ఆశీర్వదించి మరోమారు సీఎం జగన్మోహన్ రెడ్డిని అధికారంలోకి తీసుకురావాలని కొడాలి నాని పార్టీ శ్రేణులను కోరారు.