Kishan Reddy: టీఆర్ఎస్ పోటాపోటీ ప్లెక్సీల ఏర్పాటు.. కిషన్ రెడ్డి సంచలన వ్యాఖ్యలు

దిశ, వెబ్‌డెస్క్: Kishan Reddy lashes out at TRS Flexi Politics| జాతీయ మహాసభ నేపథ్యంలో బీజేపీ నేతలు ఏర్పాటు చేసిన ప్లెక్సీలు, నిర్వహించబోయే ర్యాలీలకు పోటీగా టీఆర్ఎస్ పార్టీ ప్లెక్సీలు ఏర్పాటు చేసి, ర్యాలీలు తీయడంపై కేంద్ర మంత్రి కిషన్ రెడ్డి ఆగ్రహం వ్యక్తం చేశారు. ఈ సందర్భంగా ఆయన మీడియాతో మాట్లాడుతూ.. ప్రోటోకాల్ పాటించకపోయినా.. పర్వాలేదు కానీ, టీఆర్ఎస్ ప్రభుత్వం చిల్లరగా వ్యవహరిస్తోందని మండిపడ్డారు. కావాలనే, పనిగట్టుకొని బీజేపీకి వ్యతిరేకంగా ప్లెక్సీలు, ర్యాలీలు తీస్తున్నారని సీరియస్ కామెంట్స్ చేశారు. ఇతర రాష్ట్రాల బీజేపీ ముఖ్యమంత్రులు, ప్రధాని నరేంద్ర మోడీ వెళ్లే రూట్లలోనే ప్లెక్సీలు ఏర్పాటు చేసి రెచ్చగొడుతున్నారని అన్నారు. ప్రస్తుతం టీఆర్ఎస్ ప్రభుత్వం అభద్రతా భావంతో పాటు అహంకారం చూపిస్తోందని తెలిపారు. అధికారం చేతిలో ఉందని ప్రజల డబ్బును దుర్వినియోగం చేస్తోందని అన్నారు.