ట్రాఫిక్ సిగ్నల్‌గా కరీనా కపూర్.. వీడియో వైరల్

దిశ, వెబ్‌డెస్క్: ప్రస్తుతం ఎక్కడ చూసినా రోడ్డు ప్రమాదాలు చాలా పెరిగిపోయాయి. నిత్యం ఎక్కడో ఒకచోట ప్రమాదాలు జరుగుతూనే ఉన్నాయి. దీంతో రోడ్డు ప్రమాదాలను నివారించేందుకు పోలీసులు శతవిధాలా ప్రయత్నిస్తున్నారు. ఢిల్లీ పోలీసులు సరికొత్త అవగాహన కార్యక్రమాలు చేపడుతున్నారు. ఈ మేరకు సోషల్ మీడియా ద్వారా ఓ వీడియోను పోస్టు చేశారు.

అందులో రెడ్ లైట్‌ స్థానంలో బాలీవుడ్ స్టార్ హీరోయిన్ కరీనా కపూర్ కనిపిస్తూ.. 'రెడ్ సిగ్నల్ జంప్ చేయొద్దు. అటెన్షన్‌గా ఉండేవారినే 'పూ (కరీనా) ఇష్టపడుతుంది. అందుకే, ట్రాఫిక్ సిగ్నల్‌ని ఫాలో అవ్వండి. అనే క్యాప్షన్ తో ట్విట్టర్‌లో షేర్ చేశారు. ప్రస్తుతం ఈ వీడియో సోషల్ మీడియాలో తెగ వైరల్ అవుతుంది. అది చూసిన పలువురు పోలీసుల ప్రయత్నాన్ని ప్రశంసిస్తున్నారు.