డైనమిక్ హీరో మంచు విష్ణుకు ‘కన్నప్ప’ టీమ్ బెస్ట్ విషెస్..

దిశ, సినిమా: మంచు మోహన్ బాబు తనయుడు, టాలీవుడ్‌ డైనమిక్ హీరో విష్ణు మంచు(Vishnu Manchu) నేడు (నవంబర్ 23) తన 43వ పుట్టినరోజు జరుపుకుంటున్నారు. దీంతో పలువురు టాలీవుడ్ ప్రముఖులు, ‘కన్నప్ప’(Kannappa) మూవీ యూనిట్ ఆయనకు ప్రత్యేకంగా శుభాకాంక్షలు తెలిపారు. ఎన్నో విలక్షణ పాత్రలు పోషించి తెలుగు చిత్రసీమలో తనకంటూ ప్రత్యేక గుర్తింపు తెచ్చుకున్నాడు. అంతేకాకుండా మూవీ ఆర్టిస్ట్ అసోసియేషన్ (MAA) అధ్యక్ష పీఠం దక్కించుకుని అందరి దృష్టిని ఆకర్షించారు. ఇక సినిమాల విషయానికొస్తే.. రీసెంట్‌గా ‘జిన్నా’(Jinnah) మూవీలో డిఫరెంట్ క్యారెక్టర్ చేసిన ఆయన.. ప్రస్తుతం తన ఫోకస్ మొత్తం తన డ్రీమ్ ప్రాజెక్ట్‌గా రాబోతున్న ‘కన్నప్ప’(Kannappa) సినిమాపై పెట్టాడు. ఇది ఆయన కెరీర్ లోనే ఎంతో ప్రతిష్టాత్మకంగా తెరకెక్కుతున్న చిత్రం.

ముఖేష్ కుమార్ సింగ్ దర్శకత్వం వహిస్తున్న ‘కన్నప్ప’ నుంచి ఒక్కో పాత్రను రివీల్ చేస్తూ మేకర్స్ అందరిని మెస్మరైజ్ చేస్తున్నారు. రీసెంట్ గానే మంచు వారి మూడో తరం నుంచి అవ్రామ్(Avram Manchu) భక్త మంచు లుక్‌ను కూడా రిలీజ్ చేసి సర్ ప్రైజ్ చేశారు. అయితే ఈ సినిమాను అవా ఎంటర్టైన్మెంట్స్, 24 ఫ్రేమ్స్ ఫ్యాక్టరీ(24 Frames Factory) బ్యానర్లపై మోహన్ బాబు నిర్మిస్తున్నారు. భారత దేశంలోని నాలుగు మూలల ఉన్న మహా నటుల్ని ఈ చిత్రంలో చూడబోతున్నాం. ‘కన్నప్ప’(Kannappa) మూవీ ఏ తరానికి అయినా కొత్తగానే ఉంటుందని, సినీ చరిత్రలో కొత్త అధ్యాయాన్ని లిఖిస్తుందని చిత్ర యూనిట్ నమ్మకంగా ఉంది. అయితే ఈ సినిమా డిసెంబర్‌లో విడుదల కాబోతున్నట్లు టాక్.

Read More...

Kannappa : ‘కన్నప్ప’ సినిమాలో మోహన్‌బాబు పాత్ర ఇదే