'విక్రమ్' సక్సెస్ జోష్‌లో వారిని ముద్దులతో ఉక్కిరి బిక్కిరి చేసిన లోకనాయకుడు..

దిశ, వెబ్‌డెస్క్: లోకనాయకుడు కమల్ హాసన్ హీరోగా నటించిన చిత్రం 'విక్రమ్‌'. ఈ సినిమా జూన్ 3న విడుదలై భారీ కలెక్షన్లతో బాక్సాఫీస్ వద్ద దుమ్ములేపుతుంది. మొదటి వారంలోనే సుమారు 300 కోట్లకుపైగా వసూళ్లు చేసి రికార్డులు బద్దలు కొడుతుంది.

అయితే ఈ సక్సెస్‌ను చిత్రబృందం గ్రాండ్‌గా సెలబ్రేట్ చేసుకుంది. ఈ పార్టీకి కమల్‌ హాసన్‌, లోకేష్‌ కనకరాజ్‌, అనిరుధ్‌ రవిచందర్‌, విజయ్ సేతుపతి, ఉదయనిధి స్టాలిన్‌ విందులో పాల్గొన్నట్లు తెలుస్తోంది. ఈ మూవీని సక్కెస్‌ చేసిన ప్రతి ఒక్కరికీ కమల్ హాసన్ ధన్యవాదాలు తెలుపుతూ ముద్దులతో వారిని ఊపిరాడకుండా చేశారు. దీనికి సంబంధించిన ఫొటోలు సోషల్ మీడియాలో చక్కర్లు కొడుతున్నాయి. ఆ ఫొటోలపై నెటిజన్లు రకరకాలుగా స్పందించారు. ఈ విందును చూసి 'విక్రమ్ అలా మొదలై ఇలా కొనసాగుతున్నాడు' అంటూ మీమ్స్ తో నెట్టింట తెగ హడావిడి చేస్తున్నారు.