2 బిలియన్ వ్యాక్సినేషన్ మార్కును దాటిన భారత్

దిశ, వెబ్‌డెస్క్: కరోనా మహమ్మారిని ఎదుర్కొనేందుకు భారత్ తయారు చేసిన వ్యాక్సిన్ ఏ విధంగా ప్రపంచం అంతా పంచబడిందో మన అందరికీ తెలిసిన విషయమే. అయితే ఈ వ్యాక్సిన్ డ్రైవ్ ను భారత ప్రభుత్వం ఎంతో ప్రతిష్టాత్మకంగా తీసుకుని వివిధ డోస్‌ల ప్రకారం పిల్లల నుంచి పెద్దల వరకు అందరికీ వ్యాక్సిన్ ఇస్తూ వచ్చింది.

భారత్ లో జనవరి 16 2021 న టీకాలు వేయడం ప్రారంభించగా సుదీర్ఘంగా కొనసాగుతున్న వ్యాక్సినేషన్ డ్రైవ్ 18 నెలలకే 2 బిలియన్ల కంటే ఎక్కువ టీకాలు వేసినట్లు CoWIN డేటా తెలుపుతుంది. ఇందులో మొదటి డోస్ 1,01,90,73,891, రెండవ డోస్ 92,59,26,880, ప్రికాషన్ డోస్ 5,50,14,860, మొత్తం ఇప్పటి వరకు భారత ప్రభుత్వం 2,00,00,15,631 డోసుల వ్యాక్సిన్ ప్రజలకు అందించినట్లు తెలుస్తుంది.