Hansika: తెలుగులోకి హన్సిక హారర్ మూవీ.. మిస్టరీ అండ్ సస్పెన్స్‌గా ట్రైలర్

దిశ, సినిమా: హారర్ (horror) చిత్రాలకు ప్రేక్షకులు ఎంతల కనెక్ట్ అవుతారో ప్రత్యేకంగా చెప్పాల్సిన పని లేదు. భయ పడుతున్నప్పటికీ ఇష్టంగా చూస్తారు. ఈ మధ్య కాలంలో కూడా నవ్విస్తూ భయపెట్టించే చిత్రాలు ఎక్కువగా వస్తు మంచి క్రేజ్ తెచ్చుకుంటున్నాయి. ఈ క్రమంలోనే హారర్ జానర్‌కే ఎక్కువ ప్రాధాన్యతను ఇస్తూ మూవీస్ చేస్తున్నారు దర్శకనిర్మాతులు. ఇందులో భాగంగా భయపెట్టేందుకు ఇప్పుడు మరో మూవీ సిద్ధం అయింది. అందాల తార హన్సిక (Hansika) నటిస్తున్న తాజా చిత్రం ‘శ్రీ గాంధారి’ (Sri Gandhari). మిస్టరీ అండ్ సస్పెన్స్ (Mystery and Suspense), హారర్ థ్రిల్లర్ (Horror Thriller)గా తెరకెక్కిన మసాలా పిక్స్ బ్యానర్‌పై ఆర్ కన్నన్ దర్శకత్వం వహిస్తూ నిర్మించారు. ఇందులో హిందూ ట్రస్ట్ కమిటీకి హెడ్ ఆఫీసర్‌గా పనిచేసే యువతిగా హన్సిక కనిపిస్తుంది.

ఆమె ‘గంధర్వ కోట’ (Gandharva Kota) పురాతన స్మారకానికి సంబంధించిన పరిశోధన ప్రాజెక్ట్‌ను చేపట్టడంతో అసలు కథ మొదలవుతుంది. ఒక రాజు నిర్మించిన శతాబ్దాల నాటి ఈ కోటలో ఎన్నో రహస్యాలుంటాయి. ఆ రహస్యాల్ని ఎలా బయటకు తీసుకు వచ్చారు? అన్నది కథ. అయితే.. ఈ సినిమాను సరస్వతి డెవలపర్స్‌తో కలిసి లచ్చురం ప్రొడక్షన్స్ బ్యానర్ మీద రాజు నాయక్ తెలుగులో రిలీజ్ చేస్తున్నారు. గతంలోనే రిలీజ్ చేసిన ట్రైలర్ (Trailer) అందరినీ ఆకట్టుకుంది. ఇక ట్రైలర్‌లో హన్సిక లుక్స్, యాక్టింగ్ చాలా కొత్తగా అనిపించాయి. దీంతో సినిమా రిలీజ్ కోసం ప్రేక్షకులు ఈగర్‌గా ఎదురుచూస్తున్నారు. కాగా.. ఈ చిత్రంలో మెట్రో శిరీష్, మయిల్‌సామి, తలైవాసల్ విజయ్, ఆడుకాలం నరేన్, స్టంట్ సిల్వా, వినోదిని, పవన్, బ్రిగిడా సాగా, వడివేల్ మురుగన్, కలైరాణి వంటి వారు ముఖ్య పాత్రలను పోషించారు.