గోవాలో హంగ్.. పీఠాన్ని దక్కించుకునేందుకు బీజేపీ ప్లాన్

దిశ, డైనమిక్ బ్యూరో: చివరి వరకూ ఉత్కంఠంగా సాగిన గోవా ఎన్నికల ఫలితాల్లో హంగ్ ఏర్పడింది. దీంతో ప్రభుత్వం ఏర్పాటు చేసేందుకు కమలనాథులు ముమ్మర ప్రయత్నాలు చేస్తున్నారు. ఇప్పటికే బీజేపీ మ్యాజిక్ ఫిగర్‌కు చేరువలో ఉండటంతో ఎట్టిపరిస్థితుల్లోనూ గోవా పీఠాన్ని దక్కించుకునేందుకు ఏర్పాట్లు చేస్తున్నారు. ఈ క్రమంలో ఇండిపెండెంట్ అభ్యర్థులను ఆకర్షిస్తున్నారు. కానీ, ముగ్గురు ఇండిపెండెంట్ల మద్దతు తమ పార్టీ వైపే ఉన్నట్లు బీజేపీ నేతలు చెబుతున్నారు. ప్రభుత్వం ఏర్పాటు విషయమై బీజేపీ నేతలు గవర్నర్‌ అపాయింట్‌మెంట్ కూడా కోరారు.