స్టార్ హీరో ట్విన్ డాటర్స్.. సింగర్స్‌గా గ్రాండ్ ఎంట్రీ

దిశ, సినిమా : సూర్య దర్శకత్వంలో రూపొందుతున్న యాక్షన్ కామెడీ చిత్రం 'జిన్నా'. మంచు విష్ణు, పాయల్ రాజ్‌పుత్, సన్నీలియోన్ ప్రధాన పాత్రలు పోషించిన చిత్రం ద్వారా హీరో మంచు విష్ణు కవల కుమార్తెలు అరియానా, వివియానా అరంగేట్రం చేయనున్నారు. వారు ఈ సినిమాలో తొలిసారిగా ఓ పాట పాడారు. ఈ సందర్భంగా ట్విట్టర్ వేదికగా ఓ నోట్ షేర్ చేసిన విష్ణు.. 'తండ్రిగా, ఒక నటుడిగా నా ఇద్దరు కుమార్తెలను గాయకులుగా పరిచయం చేయడం గర్వంగా ఉంది' అని పోస్టు చేశాడు. వీరిద్దరు పాడిన పాట స్నేహానికి సంబంధించినదని పేర్కొంటూ ప్రకటన పోస్టర్‌ను ట్విట్టర్ ద్వారా రివీల్ చేశాడు. అంతేకాదు 'అరియానా, వివియానాను నటులుగా చూడాలనుకుంటున్నాను. కానీ ఏ మార్గాన్ని ఎంచుకుంటారనేది వారి ఇష్టం. ఈ కొత్త ప్రయాణానికి నాందిగా నేను మీ ఆశీస్సులు, శుభాకాంక్షలు కోరుతున్నాను' అంటూ వెల్లడించాడు. కాగా ఈ సాంగ్ వీడియోను ఆదివారం(24వ తేదీ) ఉదయం 11.13 గంటలకు విడుదల చేయనున్నట్లు తెలిపారు.