'గాలోడు' సుధీర్‌కు టర్నింగ్ పాయింట్..

దిశ, సినిమా: సుడిగాలి సుధీర్‍‍‍‍, గెహ్నా సిప్పి ప్రధాన పాత్రలో తెరకెక్కుతున్న చిత్రం 'గాలోడు'. ప‌క్కా‌మాస్ ఎంట‌ర్టైన‌ర్‌గా రాబోతున్న ఈ చిత్రం నుంచి తాజాగా లిరిక‌ల్ వీడియో సాంగ్‌ రిలీజ్ చేశారు మేకర్స్. ఈ సంద‌ర్భంగా మీడియాతో మాట్లాడిన చిత్ర ద‌ర్శకుడు రాజ‌శేఖ‌ర్ రెడ్డి పులిచ‌ర్ల.. 'గాలోడు' ఫ‌స్ట్ సాంగ్ ప్రోమో యూట్యూబ్‌లో ట్రెండింగ్‌లో ఉందని, మొత్తానికి 'నీ కళ్లే దివాళి' పాట ఇన్‌స్టంట్ హిట్ అయినట్లు తెలిపాడు. దీంతో సుధీర్ ఫ్యాన్స్ ఫుల్ ఖుషీగా ఉన్నారన్న ఆయన.. శ్రీ‌నివాస తేజ రాసిన పాటలను భీమ్స్ అద్భుత‌మైన సంగీతంలో షాహిద్ మాల్య ఆలపించగా భారీ రెస్పాన్స్ వస్తుందని ప్రశంసలు కురిపించాడు. అలాగే యాక్షన్ అండ్‌ మాస్ ఎలిమెంట్స్‌తో రూపొందిన ఈ మూవీ సుధీర్‌కి టర్నింగ్ పాయింట్ అవుతుందని.. త్వరలోనే రిలీజ్ డేట్ ప్రక‌టిస్తామన్నాడు. కాగా ప్రకృతి స‌మ‌ర్పణ‌లో సంస్కృతి ఫిల్మ్స్ ఈ చిత్రాన్ని నిర్మిస్తోంది.