ముంబైలో కరోనా నాలుగో వేవ్..? ఒక్కరోజులో 2,087 కొత్త పాజిటివ్ కేసులు

దిశ, వెబ్‌డెస్క్: ముంబై మహానగరంలో కరోనా మరోసారి పంజా విసురుతోంది. క్రమక్రమంగా కరోనా కేసుల సంఖ్య గణనీయంగా పెరుగుతుంది. గడిచిన 24 గంటల్లో ముంబైలో 2,087 కొత్త పాజిటివ్ కేసులు నమోదయ్యాయి. ఈ విధమైన పెరుగుదల నగర వాసులలో ఆందోళన పెంచుతోంది. అలాగే కరోనా నాలుగో వేవ్ తప్పదేమో అని ప్రజలను భయబ్రాంతులకు గురి చేస్తుంది. అయితే నగరంలో మొత్తం క్రియాశీల కేసుల సంఖ్య ఇప్పుడు 13,897కి చేరుకుంది. అలాగే 95 మంది కొత్త రోగులు ఆస్పత్రిలో చేరగా, నగరంలో 1,802 మంది కోలుకున్నారు.