మీరు ఏసీ వాడుతున్నారా? అయితే, ఈ విషయం తెలుసా.. అక్కడ నలుగురు చనిపోయారు!

దిశ, వెబ్ డెస్క్: ఎండలు రోజురోజుకి పెరుగుతున్నాయి. దీంతో ప్రజలు చాలా ఇబ్బందులు పడుతున్నారు. ఇంట్లోనే ఉంటూ ఎయిర్ కూలర్లు, ఏసీలు వాడుతూ రిలాక్స్ అవుతున్నారు. అయితే ఓ కుటుంబం ఇలా రిలాక్స్ అవుతున్న వేళ పేలుడు జరిగి ఒకే కుటుంబానికి చెందిన నలుగురు మృతి చెందారు. ఈ ఘటన కర్ణాటకలోని విజయనగర జిల్లా విురియమ్మహల్లీ గ్రామంలో చోటుచేసుకుంది. పోలీసుల విచారణ ప్రకారం.. ఏసీ నుంచి గ్యాస్ లీక్ కావడంతో మంటలు చెలరేగి పేలుడు సంభవించినట్లు గుర్తించారు. ఆ సమయంలో ఇంట్లో నిద్రిస్తున్న వెంకట్ ప్రశాంత్(42), ఆయన భార్య చంద్రకళ(38), కుమారుడు అద్విక్(6), కుమారై ప్రేరణ(8) మృతిచెందారు. ఇల్లు పూర్తిగా దగ్ధమైంది. కేసు నమోదు చేసుకున్న పోలీసులు దర్యప్తు చేస్తున్నారు.