'ఆన్ ది వే' టైటిల్ లోగో విడుదల చేసిన 'డీజే టిల్లు' హీరో..

దిశ, సినిమా : ఆనంద్ వర్ధన్, దివి, అర్జున్, స్నేహల్, సునిల్, హర్షవర్ధన్, రాఘవ, మెహబూబ్ బాషా ప్రధాన పాత్రల్లో నటించిన చిత్రం 'ఆన్ ది వే'. క్రైమ్, కామెడీ థ్రిల్లర్ నేపథ్యంలో తెరకెక్కిన సినిమా టైటిల్ లోగోను తాజాగా 'డీజే టిల్లు' హీరో సిద్ధు జొన్నలగడ్డ విడుదల చేశారు. ఈ సందర్భంగా మాట్లాడిన సిద్ధు.. 'ఆన్ ది వే' మూవీ పోస్టర్ టైటిల్ ఇంట్రెస్టింగ్‌గా ఉంది. కాన్సెప్ట్ బాగున్న సినిమాలు ఈ మధ్య మంచి విజయం సాధిస్తున్నాయి. అదే తరహాలో యంగ్ టీమ్‌తో రూపొందిన ఈ చిత్రం వారికి పేరు తెచ్చిపెట్టాలని ఆశిస్తున్నా' అన్నారు. ఎస్ఎస్ క్రియేటివ్ కమర్షియల్స్ సంధ్య 35 ఎమ్ఎమ్ సమర్పణలో ఏ శివ హరీష్, ఏ జయంత్ రెడ్డి సంయుక్తంగా ఈ సినిమాను నిర్మిస్తుండగా హరి పెయ్యల దర్శకత్వం వహిస్తున్నాడు. మార్క్ కె రాబిన్ సంగీతం అందిస్తున్న చిత్ర విడుదల తేదీని త్వరలోనే ప్రకటించనున్నట్లు మేకర్స్ తెలిపారు.