Vasan Bala: అలియాభట్ కారణంగా అకౌంట్ డిలీట్ చేసుకున్న డైరెక్టర్!

దిశ, సినిమా: బాలీవుడ్ స్టార్ బ్యూటీ అలియా భట్ (Alia Bhatt), వేదాంగ్ రైనా (Vedang Raina) ప్రధాన పాత్రల్లో నటించిన తాజా చిత్రం ‘జిగ్రా’ (Jigra). వాసన్ బాలా (Vasan Bala) తెరకెక్కించిన ఈ చిత్రాన్ని ధర్మా ప్రొడక్షన్స్, ఎటర్‌నల్ బ్యానర్స్‌పై కరణ్ జోహార్ నిర్మించారు. తమ్ముడు కోసం అక్క చేసే పోరాటం నేపథ్యంలో రూపొందిన ఈ సినిమా అక్టోబర్ 11న ప్రేక్షకుల ముందుకు వచ్చి కేవలం మిక్సిడ్ టాక్‌కు మాత్రమే పరిమితం అయింది. దీంతో సోషల్ మీడియాలో ‘జిగ్రా’ చిత్రంపై ట్రోల్స్ స్టార్ట్ చేశారు కొందరు నెటిజన్లు. ఈ క్రమంలోనే ‘జిగ్రా’ సినిమా డైరెక్టర్ వాసన్ (Vasan) తన ఎక్స్ (Twitter) ఖాతాను డీయాక్టివేట్ చేసినట్లు తెలుస్తోంది.

ఎందుకంటే.. ఆయన అకౌంట్ కోసం సెర్చ్ చేస్తుంటే.. ఈ పేరుతో ఖాతా లేదని చెప్పడం గమనార్హం. ఇక ట్విట్టర్ (Twitter) లో కనిపించని వాసన్ (Vasan) ఇన్‌స్టాగ్రామ్ (Instagram) లో మాత్రం యాక్టీవ్‌గా ఉంటూ.. తన సినిమా (జిగ్రా)పై వస్తోన్న పాజిటివ్ రెస్పాన్స్‌లను ఇన్‌స్టా (Insta) వేదికగా స్టోరీస్ పెడుతున్నారు. అలాగే మా మూవీని ఆదరించిన వారికి ధన్యవాదాలు అంటూ క్యాప్షన్ (caption) కూడా ఇస్తున్నారు. అయితే.. ఇన్‌స్టా (Insta) వేదికగా సినిమా గురించి పోస్టులు పెడుతున్న ఈయన.. ట్విట్టర్ (Twitter) ఎందుకు డీయాక్టివేట్ (deactivate) చేశారంటూ పలువురు సందేహాలు వ్యక్తం చేస్తున్నారు.