CPI Narayana: మెగాస్టార్ చిరంజీవిపై వ్యాఖ్యలు.. వెనక్కి తగ్గిన సీపీఐ నారాయణ

దిశ, వెబ్‌డెస్క్: CPI Narayana Takes his Words Back Over Megastar Chiranjeevi| చిరంజీవిపై తాను చేసిన కామెంట్ల పట్ల తీవ్ర విమర్శలు వస్తున్న నేపథ్యంలో సీపీఐ నారాయణ వెనక్కి తగ్గారు. తాను చేసిన వ్యాఖ్యలను రిటర్న్ తీసుకుంటున్నానని చెప్పారు. తన వ్యాఖ్యలకు చింతిస్తున్నానని, మెగా అభిమానులు ఈ తన మాటలను మర్చిపోవాలని కోరారు. మెగా బ్రదర్ నాగబాబు నుండి మెగా అభిమానుల వరకు నారాయణ వ్యాఖ్యలపై భగ్గుమన్న నేపథ్యంలో నారాయణ తన మాటలను వెనక్కి తీసుకోవడం ఆసక్తిని రేపుతోంది. భీమవరంలో ఇటీవల జరిగిన అల్లూరి సీతారామరాజు విగ్రాహావిష్కరణకు నటుడు చిరంజీవిని ఆహ్వానించడాన్ని నారాయణ తప్పుపట్టారు. చిరంజీవి ఊసరవెల్లి లాంటి వాడని, అతడు చిల్లర బేరగాడు అంటూ అనుచిత వ్యాఖ్యలు చేశారు. అల్లూరి విగ్రహావిష్కరణకు చిరంజీవికి బదులు అల్లూరి సినిమాలో నటించిన నటశేఖర కృష్ణను వేదికపైకి పిలిస్తే బాగుండేదని అభిప్రాయ పడ్డారు. కృష్ణను ఆహ్వానించాలని చెప్పడం బాగానే ఉన్నా చిరంజీవిపై తీవ్ర పదజాలం ఉపయోగించడం మెగా అభిమానుకు కోపం తెప్పించాయి. చిరంజీవి అభిమానులు సోషల్ మీడియా వేదికగా నారాయణపై ఘాటుగా రియాక్ట్ అయ్యారు. నాగబాబు అయితే నారాయణ తినేది అన్నం కాదని గడ్డి తింటున్నాడని నిప్పులు చెరిగారు. తన వ్యాఖ్యలపై అంతకంతకు వ్యతిరేకత తీవ్రం అవుతున్న నేపథ్యంలో చిరంజీవిపై తన కామెంట్స్ ను వెనక్కి తీసుకుంటున్నానని నారాయణ స్పష్టం చేశారు. తన వ్యాఖ్యల విషయంలో అంతా మర్చిపోవాలని నారాయణ విజ్ఞప్తిపై మెగా అభిమానులు ఎలా రియాక్ట్ అవుతారో చూడాలి మరి.

ఇది కూడా చదవండి: 'ప్రధాని మోడీ'ని అభినందించని 'బిల్‌గేట్స్'