ఆలియా, రణబీర్ పెళ్లి.. అతిథుల సెల్ ఫోన్స్ లాగేసుకుంటున్న వీడియో వైరల్

దిశ, సినిమా : ఎప్పుడెప్పుడా అని ఎదురు చూస్తున్న ఆలియా రణ్‌బీర్‌ల పెళ్లి రానేవచ్చింది. ఏప్రిల్ 16‌న సుముహూర్తం ఖరారు కాగా.. ఆల్రెడీ పెళ్లి సందడి మొదలైపోయింది. ఇప్పటికే ఆలియా తన సన్నిహితులకు, స్నేహితులకు బ్యాచిలర్ పార్టీ ఇచ్చేసింది కూడా. ఏప్రిల్ 13‌న మెహెందీ జరగనుండగా.. మ్యారేజ్‌కు అటెండ్ అయితే అతిథులకు కండిషన్స్ అప్లయ్ చేస్తున్నారు.

మూడు రోజుల పాటు జరగనున్న పెళ్లి తంతును ఎలాంటి డిస్టబెన్స్ లేకుండా చక్కగా ఎంజాయ్ చేయాలని కోరుతున్నారు. ఈ క్రమంలోనే సెల్ ఫోన్స్ అనుమతివ్వడం లేదని తెలుస్తోంది. అందులో భాగంగా ఆలియా, రణ్‌బీర్‌ల పెళ్లి వేడుకకు విచ్చేసిన అతిథుల ఫోన్ కెమెరాలకు స్టిక్కర్స్ వేస్తున్న వీడియో సోషల్ మీడియాలో హల్ చల్ చేస్తోంది. తద్వారా పెళ్లి ఫోటోలు బయటకు లీక్ అయ్యే చాన్స్ కూడా లేదు.