దిశ, సినిమా: బాలీవుడ్ బ్యూటీ చిత్రాంగద సింగ్‌కు తాజాగా ఓ చేదు అనుభవం ఎదురైనట్లు తెలిపింది. ఇందుకు సంబంధించిన ఇష్యూ గురించి ఇన్‌స్టాగ్రామ్ స్టోరిస్‌‌లో పోస్ట్ చేసిన నటి.. తన జీవితంలో ఇంత దుర్మార్గంగా వ్యవహరించే మనుషులను చూడలేదంటూ ఆవేదన వ్యక్తం చేసింది. ఇటీవల ఓ పనిమీద ఢిల్లీ నుంచి ముంబైకి 'గో ఎయిర్-391' ఫ్లైట్‌లో ప్రయాణించినట్లు తెలిపిన చిత్రాంగద.. తన పక్కన కూర్చున్న వ్యక్తి అనారోగ్యంతో ఇబ్బంది పడుతున్నప్పటికీ ఆమె పట్ల ఎయిర్ హోస్టెస్‌లు చాలా దురుసుగా ప్రవర్తించారని తెలుపుతూ వీడియో షేర్ చేసింది.
'గో ఎయిర్- 391 అత్యంత చెత్త ఫ్లైట్. ప్రయాణికులతో మర్యాదగా ఎలా ప్రవర్తించాలో దయచేసి హోస్టెస్‌లకు నేర్పండి. నా జీవితంలో ఇంత అహంకారం చూపించే వ్యక్తులను ఎప్పుడు చూడలేదు. చాలా అసంతృప్తికి లోనయ్యాను. ఎయిర్ ఇండియా విమానంలో ఇలాంటి సంఘటనలు నిరంతరం జరుగుతూనే ఉన్నాయి' అని ఫైర్ అయింది.