చెన్నైలో దారుణం.. కారులో యువతిపై గ్యాంగ్‌రేప్

దిశ, వెబ్‌డెస్క్: రోజు రోజుకి మహిళలపై అత్యాచారాలు పెరిగిపోతున్నాయి. ఎన్ని చట్టాలు తీసుకొచ్చినా లాభం లేకుంగా పోయింది. తాజాగా.. చెన్నై నగరశివార్లలో యువతికి మద్యం తాగించి మరీ దారుణానికి ఒడిగట్టారు.

వివరాల్లోకి వెళితే.. చెన్నైలోని చెంగల్‌పట్టుకి చెందిన ఓ యువతి ప్రైవేట్ ఆస్పత్రిలో నర్సుగా పని చేస్తోంది. ఆమెకు స్థానికంగా ఉండే శరవణన్ అనే యువకుడితో పరిచయం ఏర్పడింది. అయితే ఎప్పటిలాగే విధులు ముగించుకొని ఇంటికి వెళ్తుండగా శరవణన్ కారులో ఇంటి దగ్గర దింపుతానని మాయమాటలు చెప్పి ఎక్కించుకున్నాడు. కారులో బలవంతంగా ఆమెకు మద్యం తాగించి, మరో ముగ్గురు స్నేహితులతో కలిసి అత్యాచారం చేశారు. అందులో ఓ న్యాయవాది కూడా ఉన్నాడు. ఆ తర్వాత యువతిని రోడ్డుపై వదిలేసి వెళ్లిపోయారు. యవతిని గమనించిన స్థానికులు ఆసుపత్రికి తరలించి ఆమె తల్లిదండ్రులకు సమచారం అందించారు. యువతి తల్లిదండులు పోలీసులకు ఫిర్యాదు చేశారు. పోలీసులు కేసు నమోదు చేసి దర్యాప్తు చేపట్టారు.