Chandrababu Naidu: వరద ప్రభావిత ప్రాంతాల్లో చంద్రబాబు పర్యటన.. ముందుగా వెళ్లేది అక్కడికే

దిశ, ఏపీ బ్యూరో : Chandrababu Naidu to visit Flood Affected Areas for 3 days| తెలుగుదేశం పార్టీ అధినేత చంద్రబాబు నాయుడు వరద ప్రభావిత ప్రాంతాల్లో పర్యటనకు సిద్ధమయ్యారు. ఈ నెలలో మూడు రోజుల పాటు వరద ప్రభావిత ప్రాంతాలైన ఉమ్మడి తూర్పుగోదావరి, పశ్చిమగోదావరి జిల్లాలో పర్యటించాలని నిర్ణయించారు. ఈ మేరకు షెడ్యూల్ సైతం ఖరారైంది. ఈ నెల 20 నుంచి 22 వరకు మూడు రోజుల పాటు ఉభయగోదావరి జిల్లాల్లో చంద్రబాబు పర్యటించనున్నారు. ఇకపోతే తొలిరోజు అయిన జూలై 20న కుక్కునూరు, వేలేరుపాడు, మండలాల్లో చంద్రబాబు పర్యటిస్తారు. 21న కూనవరం, చింతూరు, ఏటపాక, విఆర్‌పురంలో పర్యటించనున్నారు. 22న పి. గన్నవరం, రాజోలు లో చంద్రబాబు పర్యటించి బాధితులతో నేరుగా మాట్లాడనున్నారు. ఈ పర్యటన నిమిత్తం చంద్రబాబు 19న భద్రాచలం చేరుకుంటారని సమాచారం. అక్కడ నుంచే చంద్రబాబు ముంపు మండలాలలో పర్యటిస్తారని పార్టీ వర్గాలు వెల్లడించాయి.

ఇది కూడా చదవండి: భద్రాచలంపై పేర్ని నాని సంచలన వ్యాఖ్యలు..