2021 మిస్ వరల్డ్‌గా పోలాండ్ బ్యూటీ 'కరోలినా బిలావ్స్కా'

దిశ,వెబ్‌డెస్క్: కరోనా కారణంగా వాయిదా పడిన మిస్ వరల్డ్ 2021 కిరీటాన్ని పోలాండ్‌కు చెందిన కరోలినా బిలావ్స్కా గెలుచుకుంది. ఈవెంట్ 70వ ఎడిషన్ శాన్ జువాన్, ప్యూర్టో రికోలో కోకా-కోలా మ్యూజిక్ హాల్‌లో జరిగింది. కరోలినా విజేతగా నిలవగా, అమెరికాకు చెందిన భారతీయ-అమెరికన్ శ్రీ సైనీ మొదటి రన్నరప్‌‌ గా, కోట్ డి ఐవరీకి చెందిన ఒలివియా యాస్ రెండో స్థానంలో నిలిచారు. కరోలినా బిలావ్స్కా ప్రస్తుతం మేనేజ్‌మెంట్‌లో మాస్టర్స్ చదువుతోంది. మరోవైపు, శ్రీ సైనీ పంజాబ్‌లోని లూథియానాకు చెందినవారు, అయితే ఆమె ఐదేళ్ల వయసులో ఆమె కుటుంబంతో కలిసి వాషింగ్టన్ DCకి వెళ్లారు.