ఓటీటీలోకి రాబోతున్న బ్లాక్ బస్టర్ హిట్ మూవీ.. అధికారిక ప్రకటన విడుదల

దిశ, సినిమా: ఓటీటీ ట్రెండ్ కొనసాగుతుంది. స్టార్ హీరోల మూవీస్, బ్లాక్ బస్టర్ హిట్‌గా నిలిచిన చిత్రాలు కూడా నెలరోజుల్లోనే ఓటీటీలోకి వచ్చేస్తున్నాయి. దీంతో చాలామంది థియేటర్స్‌కు వెళ్లడం మానేశారు. ఇక కొత్త సినిమాలను ఓటీటీలో చూస్తే ఎంజాయ్ చేస్తున్నారు. ఈ క్రమంలో.. తాజాగా, ఓ బ్లాక్ బస్టర్ మూవీ డిజిటల్ స్ట్రీమింగ్‌(Digital Streaming)కు రెడీ అయినట్లు హాట్‌స్టార్ అధికారిక ప్రకటన విడుదల చేసింది. సెప్టెంబర్‌ 12న రిలీజై ఎవరూ ఊహించనిరీతిలో ‘కిష్కింద కాండం’(Kishkindha Kaandam ) సూపర్ హిట్‌గా నిలిచింది. 

అయితే ఇప్పుడు ఈ చిత్రం నవంబర్ 19 నుంచి హాట్‌స్టార్‌లో స్ట్రీమింగ్ అందుబాటులోకి రానుంది. తెలుగు, కన్నడ, హిందీ, తమిళ భాషల్లో రానున్నట్లు ‘X’ ద్వారా వెల్లడించారు. కాగా, ఈ మూవీలో అపర్ణ బాలమురళి(Aparna Balamurali), అసిఫ్ అలీ జంటగా నటించారు. కోతుల బ్యాక్ డ్రాప్ స్టోరీతో తెరకెక్కిన ఈ సినిమా ప్రేక్షకులను ఆకట్టుకుంది. రూ. 5 కోట్ల బడ్జెట్‌తో వచ్చి ఏకంగా రూ. 50 కోట్లు వసూలు సాధించి బాక్సాఫీసును షేక్ చేసింది. దీంతో అందరి దృష్టి ‘కిష్కింద కాండం’ పై పడింది. ఇక ఒటీటీలోకి రాబోతుందని తెలుసుకున్న సినీ ప్రియులు ఖుషీ అవుతున్నారు.