అగ్నివీరులకు ఇవ్వకపోతే పెన్షన్ వదులుకుంటా..బీజేపీ ఎంపీ వరుణ్ గాంధీ

న్యూఢిల్లీ: బీజేపీ ఎంపీ వరుణ్ గాంధీ మరోసారి కేంద్రప్రభుత్వంపై మండిపడ్డారు. అగ్నిపథ్ నియమాకాల్లో అగ్నివీరులకు ఫించన్ ఇవ్వకపోవడంపై ఆగ్రహాం వ్యక్తం చేశారు. ఈ మేరకు ట్విట్టర్ ద్వారా స్పందించారు. 'స్వల్పకాలిక సేవలందించిన అగ్నివీరులు పింఛన్‌కు అర్హులు కాదు.

కానీ, ప్రజా ప్రతినిధులకు ఈ సౌకర్యం ఎందుకు? జాతీయ కాపలాదారులకు పెన్షన్ హక్కు లేకపోతే, నేను కూడా నా స్వంత పెన్షన్ వదులుకోవడానికి సిద్ధంగా ఉన్నాను. ఎమ్మెల్యేలు/ఎంపీలు మన పెన్షన్‌ని వదిలి అగ్నివీరులకు పెన్షన్‌ వచ్చేలా చూడలేమా?' అని ట్వీట్ చేశారు. ఈ నెల 14న కేంద్రం నాలుగేళ్ల సర్వీస్ కూడిన అగ్నివీరుల నియామకానికి అగ్నిపథ్ పథకాన్ని తీసుకొచ్చింది. ఎలాంటి పెన్షన్, ఇతర సదుపాయాలు వీరికి లభించవని పేర్కొంది. దీనిపై ప్రతిపక్షాలతో పాటు యువత, మాజీ సైనిక అధికారులు పెద్ద ఎత్తున నిరసన వ్యక్తం చేశారు.