వరద నీటిలో మాస్ స్టెప్పులేస్తున్న ఆటోడ్రైవర్ (వీడియో)

దిశ, వెబ్‌డెస్క్: గతరెండు వారాల నుంచి దేశమంతటా భారీ వర్షాలు కురుస్తున్న విషయం తెలిసిందే. దాంతో పల్లెలు, పట్టణాలు, నగరాలు అనే తేడా లేకుండా రోడ్లపై వరద నీరు చేరి పొంగిపోర్లుతున్నాయి. అయితే, ఆ వరద నీటిలో ఇటీవల ఓ వ్యక్తి పడుకున్న సంగతి తెలిసిందే. తాజాగా, గుజరాత్‌లో నడిరోడ్డుపై ఓ ఆటో డ్రైవర్ డ్యాన్స్ చేశాడు. గుజరాత్‌లోని భరూచ్‌కు చెందిన ఆటో డ్రైవర్ రోడ్డుపై వెళ్తుండగా వరద నీటిలో ఆటో ఇరుక్కుపోయింది. బయటకు తీయడానికి ఎంతో ప్రయత్నించాడు.

కానీ, అది రాలేదు దాంతో ఏమీ చేయలేక వరద నీటిని ఎంజాయ్ చేస్తూ మాస్ స్టెప్పులు వేశాడు. దీనికి సంబంధించి వీడియోను హాస్య నటుడు సునీల్ గ్రోవర్ తన ఇన్‌స్టాగ్రామ్‌లో షేర్ చేశాడు. అది చూసిన నెటిజన్లు రకరకాల కామెంట్లు చేస్తూ స్మైలీ ఎమోజీలను షేర్ చేస్తున్నారు.