'పక్కా కమర్షియల్' నుంచి మరో కమర్షియల్ పోస్టర్..

దిశ, వెబ్‌డెస్క్: యాక్షన్ హీరో గోపిచంద్, రాశి ఖన్నా జంటగా.. మారుతి డైరెక్షన్‌లో తెరకెక్కనున్న సినిమా 'పక్కా కమర్షియల్'. షూటింగ్‌ను పూర్తి చేసుకున్న ఈ సినిమా యూనిట్.. ప్రస్తుతం ప్రమోషన్స్‌లో బిజీగా ఉంది. ఈ క్రమంలోనే ఆదివారం హైదరాబాద్‌‌లో గ్రాండ్ ప్రీ రిలీజ్ ఈవెంట్‌ను జరుపుకోగా.. మెగా స్టార్ చిరంజీవి ఈ కార్యక్రమానికి ఛీఫ్ గెస్ట్‌గా హాజరయ్యారు. అదే విధంగా సోమవారం కర్నూల్‌లో మరో ప్రీ రిలీజ్ ఈవెంట్‌ను నిర్వహించారు. ఈ మేరకు సినీ మేకర్స్ అఫీషియల్ పోస్టర్‌ను రిలీజ్ చేశారు. ఈ పోస్టర్ ద్వారా జూన్ 29వ తేదీ సాయంత్రం ఐదు గంటల నుండి కర్నూల్ కన్వెన్షన్ సెంటర్‌లో సినిమాకు సంబంధించిన 'కమర్షియల్' మీటింగ్ జరుగుతుందని తెలిపారు. ఈ ఈవెంట్‌కు చీఫ్ గెస్ట్ ఎవరన్నది అఫీషయల్‌గా మేకర్స్ ప్రకటించలేదు. కాగా, జూలై 1వ తేదిన ఈ సినిమా ప్రేక్షకుల ముందుకు రానుంది.