Anantika Sanil Kumar: సినిమా కోసం ఘోరంగా కష్టపడుతున్న హీరోయిన్.. మేకింగ్ వీడియో వైరల్

దిశ, సినిమా: ‘మ్యాడ్’ ఫేమ్ అనంతిక సనిల్ కుమార్ (Anantika Sanil Kumar) లీడ్ రోల్‌లో నటిస్తున్న తాజా చిత్రం ‘8 వసంతాలు’ (8 Vasantalu). ప్రముఖ ప్రొడక్షన్ హౌస్ మైత్రీ మూవీ మేకర్స్ బ్యానర్‌పై నవీన్ యెర్నేని, వై రవి శంకర్ నిర్మిస్తున్న ఈ సినిమాను ఫణీంద్ర నర్సెట్టి తెరకెక్కిస్తున్నాడు. ఈ సినిమాలో శుద్ధి అయోధ్య అనే పాత్రలో కనిపించనుంది అనంతిక సనిల్ కుమార్ (Anantika Sanil Kumar). అంతే కాకుండా ఈ సినిమా కోసం అనంతిక మార్షల్ ఆర్ట్స్ (martial arts) లో ప్రత్యేక శిక్షణ తీసుకున్నట్లు తెలుస్తోంది. ఇటీవల శుద్ధి అయోధ్య రోల్‌ను పరిచయం చేస్తూ చిత్ర బృందం అనంతిక ఫస్ట్ గ్లింప్స్‌ను రిలీజ్ చేసిన విషయం తెలిసిందే. గ్లింప్స్ ప్రకారం చూసుకుంటే.. జీవితంలో వచ్చిన కష్టాలు, ఒడిదుడుకులు ఎదుర్కొని అనంతిక (Anantika) (శుద్ధి అయోధ్య) ఎలా మార్షల్ ఆర్ట్స్ (martial arts)లో ప్రావీణ్యం చెందింది అనేది స్టోరీ.

ఇక ఈ సినిమాతో అనంతిక (Anantika) గ్రాఫ్ ఇండస్ట్రీలో మరింత పెరిగే అవకాశాలు గట్టిగానే కనిపిస్తున్నాయి. ఎందుకంటే.. ఈ సినిమా కోసం ఆమె చాలా కష్ట పడి మార్షల్ ఆర్ట్స్ (martial arts) నేర్చుకుంది. దీనికి సంబంధించిన ఓ మేకింగ్ వీడియో (Making Video)ను తాజాగా రిలీజ్ చేశారు సినిమా యూనిట్. అందులో అనంతిక (Anantika) మార్షల్ ఆర్ట్స్ (martial arts) నేర్చుకునే క్రమంలో ఎదురైన ఇబ్బందులు, తగిలిన దెబ్బలను పట్టించుకోకుండా పట్టుదలతో ఆమె నేర్చుకున్న తీరుకు ఫిదా అవుతున్నారు నెటిజన్లు. ఇక ‘8 వసంతాలు’ (8 Vasantalu) సినిమా గ్లింప్స్ విషయానికి వస్తే.. ‘అందాన్ని దాటి చూడగలిగితే ఆడదానిలో ఒక సముద్రమే కనిపిస్తుంది’ అంటూ వచ్చే డైలాగ్ సైతం మూవీపై భారీ అంచనాలు క్రియేట్ చేస్తోంది. కాగా.. ఈ చిత్రం నవంబర్ 25న థియేటర్లలోకి వచ్చేందుకు సిద్ధంగా ఉంది.