'ఆస్ట్రోవరల్డ్' బాధితులకు అండగా సింగర్.. దేవదూత అంటున్న ఫ్యాన్స్

దిశ, సినిమా: ప్రముఖ హాలీవుడ్ సింగర్ అడెలె మరోసారి తన విశాల హృదయాన్ని చాటుకుంది. కష్టాల్లో ఉన్న అభిమానులకు సహాయం చేసేందుకు ఎల్లప్పుడూ ముందుండే స్టార్.. బాధితులను ఆదుకునేందుకు గతంలో నాలుగుసార్లు కచేరీలను నిలిపేసి ప్రశంసలు అందుకుంది. ఈ క్రమంలోనే తాజాగా అమెరికా టెక్సాస్‌లోని హ్యూస్టన్‌ సిటీలో తలపెట్టిన రెండు రోజుల సంగీత ఉత్సవం 'ఆస్ట్రోవరల్డ్' ఫెస్టివల్‌లో తోపులాట జరగడంతో ఊపిరాడక జనం ప్రాణాలు కోల్పోయారు.

దీంతో ప్రపంచాన్ని దిగ్భ్రాంతికి గురి చేసిన ఈ సంఘటన తనను కూడా కదిలించిందన్న గాయని.. వైద్య సహాయం అందిచేందుకు కొంతమంది భద్రతా సిబ్బందిని ఏర్పాటు చేయడంతో పాటు తన ప్రదర్శనను నిలిపేస్తున్నట్లు ప్రకటించి కన్నీ్ళ్లు పెట్టుకుంది. ఇక ఆమె నిర్ణయాన్ని స్వాగతించిన ఫ్యాన్స్ ఏంజెల్ అంటూ పొగిడేస్తున్నారు.