Addanki Dayakar: వెంకటరెడ్డిపై అసభ్యకర వ్యాఖ్యలు.. వెనక్కి తగ్గిన అద్దంకి దయాకర్

దిశ, వెబ్‌డెస్క్: Addanki Dayakar Says Takes His Words back On Komatireddy Venkat Reddy| చండూర్ సభలో కోమటిరెడ్డి వెంకట్ రెడ్డిపై తాను చేసిన అభ్యంతరకర వ్యాఖ్యలపై కాంగ్రెస్ నేత అద్దంకి దయాకర్ వివరణ ఇచ్చారు. కోమటిరెడ్డి వెంకట్ రెడ్డికి, ఆయన అభిమానులకు క్షమాపణలు చెబుతున్నానని చెప్పారు. వెంకట్ రెడ్డిని ఉద్దేశపూర్వకంగా అలా అనలేదని, పొరపాటున నోరు జారానని వివరణ ఇచ్చారు. తన వ్యాఖ్యలను ఉపసంహరించుకోవడంతో పాటు వెంకట్ రెడ్డికి మీడియా పరంగా క్షమాపణలు కోరుతున్నానని చెప్పారు. ఈ విషయంలో పార్టీ డిసిప్లినరీ కమిటీ, ఏఐసీసీ, పీసీసీ రేవంత్ రెడ్డికి వివరణ ఇస్తానన్నారు. కాగా, శుక్రవారం మునుగోడు నియోజకవర్గం చండూర్ లో జరిగిన బహిరంగ సభలో ఎంపీ కోమటిరెడ్డి వెంకట్ రెడ్డిని ఉద్దేశించి అద్దంకి దయాకర్ అభ్యంతరకరమైన వ్యాఖ్యలు చేశారు. దీనిపై కోమటిరెడ్డి అనుచరులు తీవ్ర స్థాయిలో ఆగ్రహం వ్యక్తం చేశారు. పార్టీలోనూ తీవ్ర దుమారం రేపిన ఈ అంశంపై చివరకు అద్దంకి దయాకర్ తన వ్యాఖ్యలను వెనక్కి తీసుకున్నారు.

ఇది కూడా చదవండి: రెడ్​క్రాస్​ బ్లడ్​ బ్యాంక్​లో 'హెచ్​ఐవీ.. పోలీసులకు కంప్లైంట్