సర్పంచ్ పుట్టినరోజు.. చిట్కుల్‌లో పండుగ వాతావరణం

దిశ ప్రతినిధి, సంగారెడ్డి: అభిమానం ఉప్పొంగింది. చిట్కుల్ సర్పంచ్​నీలం మధుకు అతని సన్నిహితులు, స్నేహితులు, గ్రామస్తులు, రాజకీయ నాయకులు పుట్టినరోజు శుభాకాంక్షలు తెలిపారు. పుట్టినరోజు సందర్భంగా గ్రామంలో అతని స్నేహితులు భారీ స్థాయిలో ఏర్పాట్లు చేశారు. ఆదివారం రాత్రి 12 గంటల నుంచే వేడుకలు మొదలు పెట్టారు. సోమవారం ఉదయం గ్రామంలో అందరికీ భోజనాలు ఏర్పాటు చేశారు. ఏకగ్రీవంగా సర్పంచ్‌గా ఎన్నికైన మధు గ్రామాభివృద్ధికి కోసం శక్తి వంచన లేకుండా కృషి చేస్తున్నారు. అందరితో ఆత్మీయంగా ఉంటూ గ్రామంలో సమస్యల పరిష్కారానికి ఎంతగానో శ్రమిస్తున్నారు. ఈ క్రమంలో జిల్లా కలెక్టర్​హనుమంతరావుతో పాటు ప్రజా ప్రతినిధులు, మంత్రులు, ఎంపీ, ఎమ్మెల్యేలు మధును ప్రత్యేకంగా అభినందిస్తుంటారు.

ఈ క్రమంలో ఆయన బర్త్ డే సందర్భంగా సన్నిహితులు, మధు యువసేన సభ్యులు, టీఆర్ఎస్​నాయకులు, కార్యకర్తలు పెద్ద సంఖ్యలో చిట్కుల్ తరలివచ్చారు. ఆయనకు స్వీట్లు, కేకు తినిపించి పుట్టినరోజు శుభాకాంక్షలు తెలిపారు. రాజకీయంగా ఉన్నత స్థానాలకు ఎదగాలని అందరూ ఆకాంక్షించారు. కాగా, మధు పుట్టినరోజు సందర్భంగా చిట్కుల్ గ్రామంలో పండుగ వాతావరణ కనిపించింది. మాజీ ఎమ్మెల్యే సత్యనారాయణ, టీఆర్ఎస్ నాయకులు మఠం భిక్షపతి, బొల్లారం బాల్ రెడ్డిలతో పాటు పటాన్ చెరు, రామచంద్రాపురం, అమీన్ పూర్, జిన్నారం, గుమ్మడిదల మండలాల నుంచి టీఆర్ఎస్ కార్యకర్తలు పెద్ద సంఖ్యలో హాజరై మదుకు శుభాకాంక్షలు తెలిపారు.