ఇంటర్నెట్ సెన్సేషన్.. ఓవర్‌నైట్ స్టార్‌‌గా బెలూన్ సెల్లర్ గర్ల్
దిశ, ఫీచర్స్ : సంకల్పం ఉన్న చోట సాధించే మార్గం తప్పకుండా ఉంటుంది. ఈ ఇంటర్నెట్ ఎరాలో ఇది మరింత సులభమైంది.. Latest Telugu News..
దిశ, ఫీచర్స్ : సంకల్పం ఉన్న చోట సాధించే మార్గం తప్పకుండా ఉంటుంది. ఈ ఇంటర్నెట్ ఎరాలో ఇది మరింత సులభమైంది. మారుమూల ప్రాంతాల్లో మరుగునపడ్డ టాలెంట్‌ కూడా ప్రస్తుతం ఇంటర్నెట్ వేదికగా విశ్వవ్యాప్తం అవుతోంది. సోషల్ మీడియాలో క్షణాల్లో వైరల్‌ అయిపోయి ఓవర్‌నైట్ స్టార్లను చేస్తోంది. సింగర్ రేణు మొండల్, 'కచా బాదం' గాయకుడు భుబన్ బద్యాకర్‌, 60 ఏళ్ల మమ్మిక్కా వంటి వ్యక్తులే ఇందుకు ఉదాహరణ కాగా.. ఇప్పుడు అదే జాబితాలోకి మరొకరు వచ్చేశారు. కేరళలోని ట్రాఫిక్ కూడళ్లలో బెలూన్లు విక్రయించే అమ్మాయి 'కిస్బు' ఫొటోలు ఇంటర్నెట్‌లో వైరల్‌గా మారడంతో సెన్సేషనల్ మోడల్‌గా మారిపోయింది.
రాజస్థాన్ ఫ్యామిలీకి చెందిన కిస్బు జీవనోపాధి కోసం కేరళలోని రద్దీ ప్రదేశాల్లో బెలూన్లను విక్రయిస్తుంటుంది. ఈ క్రమంలోనే ఆండలూర్ కావు ఫెస్టివల్‌లో ఫొటోగ్రాఫర్‌ అర్జున్ కృష్ణణ్‌ను క్రిస్బు నేచురల్ బ్యూటీనెస్ ఆకర్షించింది. వెంటనే ఫొటోలు తీసి సోషల్ మీడియాలో షేర్ చేయగా.. షార్ట్ పీరియడ్‌లోనే ఆమె పిక్స్ వైరల్‌గా మారాయి. ఈ రెస్పాన్స్ చూసిన తర్వాత ప్రొఫెషనల్ స్టైలిష్ట్ సాయంతో ఆమె లుక్‌ను పూర్తిగా మార్చేశారు. కాగా ఇప్పుడు కసావు చీరలో కిస్బు స్టైలిష్ లుక్స్ ఇంటర్నెట్‌ను షేక్ చేస్తున్నాయి. ఇక ఆమె అందానికి దాసోహమంటున్న నెటిజన్లు.. భవిష్యత్‌లో మోడల్‌గా రాణించేందుకు అన్ని అర్హతలున్న తనను అవకాశాలు వెతుక్కుంటూ వస్తాయని ఆశాభావం వ్యక్తం చేస్తున్నారు.