బోర్‌డమ్‌కు చెప్పండి గుడ్‌బై.. ‘బిగ్‌బాస్ సీజన్ 5’ హోస్ట్ కన్‌ఫర్మ్

దిశ, సినిమా : నాలుగు సీజన్లుగా తెలుగు ప్రేక్షకులను అలరిస్తున్న పాపులర్ రియాలిటీ షో బిగ్ బాస్.. ‘సీజన్ 5’కు సిద్ధమైంది. ఈ మేరకు అఫిషియల్ అనౌన్స్‌‌‌మెంట్‌తో ముందుకొచ్చింది ‘స్టార్ మా’. బిగ్ బాస్ ఫస్ట్, సెకండ్ సీజన్లను ఎన్టీఆర్, నాని హోస్ట్‌గా చేయగా.. 3, 4 సీజన్లను కింగ్ నాగార్జున హోస్ట్ చేసిన సంగతి తెలిసిందే. అయితే, సీజన్ 5ను ఎవరు నడిపించనున్నారనే విషయంలో ఇప్పటిదాకా క్లారిటీ లేదు. ఇక కొన్ని రోజులుగా సోషల్ మీడియాలో చక్కర్లు కొడుతున్న కంటెస్టెంట్స్ లిస్టు.. రాబోయే సీజన్‌పై ఆసక్తి కలిగిస్తోంది.

ఈ నేపథ్యంలోనే తాజాగా రిలీజ్ చేసిన ప్రోమోతో సీజన్ 5 త్వరలోనే ప్రారంభం కానుందని స్పష్టతనిచ్చిన స్టార్ మా.. హోస్ట్ ఎవరనే విషయాన్నీ కన్‌ఫర్మ్ చేసింది. కింగ్ నాగార్జునతోనే ఈ ప్రోమో రూపొందించగా.. సీజన్ 4 తర్వాత ఎంటర్‌టైన్‌మెంట్ లేక, బోర్‌గా ఫీలవుతున్న ప్రేక్షకులకు ఉత్సాహాన్నిచ్చే ప్రయత్నం చేసింది. ఇక ప్రోమో చివరల్లో ‘బోర్‌డమ్‌కు చెప్పండి గుడ్‌బై.. వచ్చేసింది తెలుగు బిగ్ బాస్ సీజన్ 5’ అనే డైలాగ్‌తో షోపై ఆసక్తిని పెంచే ప్రయత్నం చేశారు నాగార్జున.