కాంగ్రెస్ సెకండ్ లిస్ట్‌పై టాలీవుడ్ స్టార్ హీరో మేనమామ సంచలన వ్యాఖ్యలు
సుదీర్ఘ చర్చల తర్వాత నిన్న తెలంగాణ కాంగ్రెస్ సెకండ్ లిస్ట్‌ను హైకమాండ్ విడుదల చేసింది. అందరూ అనుకున్న విధంగా గెలుపు గుర్రాలకే టికెట్లు కేటాయించింది. 45 మందితో జాబితా విడుదల చేసింది. ప్రతీ పార్లమెంట్ నియోజకవర్గంలో రెండు స్థానాలను బీసీ లీడర్లకు కేటాయించింది.
దిశ, వెబ్‌డెస్క్: సుదీర్ఘ చర్చల తర్వాత నిన్న తెలంగాణ కాంగ్రెస్ సెకండ్ లిస్ట్‌ను హైకమాండ్ విడుదల చేసింది. అందరూ అనుకున్న విధంగా గెలుపు గుర్రాలకే టికెట్లు కేటాయించింది. 45 మందితో జాబితా విడుదల చేసింది. ప్రతీ పార్లమెంట్ నియోజకవర్గంలో రెండు స్థానాలను బీసీ లీడర్లకు కేటాయించింది. దీంతో బీసీలకు ప్రాధాన్యత ఇవ్వాలన్న అధిష్టానం నిర్ణయం బ్యాలెన్స్ అయింది. థర్డ్ లిస్ట్‌లో మరో 19 మంది అభ్యర్థులకు టికెట్లు దక్కే అవకాశం ఉంది. ఇటీవల పార్టీలోకి వచ్చిన వారికి కూడా సెకండ్ లిస్ట్‌లో ప్రయారిటీ లభించింది. ఇదిలా ఉండగా..
కాంగ్రెస్ సెకండ్ లిస్ట్‌పై టాలీవుడ్ స్టార్ హీరో నితిన్ మేనమామ నగేష్ రెడ్డి సంచలన వ్యాఖ్యలు చేశారు. సెకండ్ లిస్ట్ విడుదలయ్యాక ఆయన మీడియాతో మాట్లాడారు. ‘‘దాదాపు మూడు దశాబ్దాలుగా కాంగ్రెస్‌లో కొనసాగుతున్నా గుర్తింపు లేదు. పార్టీ ఇక ఎదగలేదు.. బయటకు వెళ్లిపోదాం అనుకున్నవారికి టికెట్లు ఇచ్చారు. లూబీయింగ్‌లకు తలొగ్గి టికెట్లు కేటాయించారు. నా కోసం హీరో నితిన్(అల్లుడు) కూడా ప్రయత్నం చేశాడు. టికెట్ వస్తే ప్రచారం కూడా చేస్తానని మాటిచ్చాడు. టికెట్ రాకపోయినా కాంగ్రెస్‌లోనే కొనసాగుతా.’’ అని వ్యాఖ్యానించారు. కాగా, నగేష్ రెడ్డి నిజామాబాద్ రూరల్ టికెట్ ఆశించారు. ఆ సెగ్మెంట్‌ను కాంగ్రెస్ హైకమాండ్ మాజీ ఎమ్మెల్సీ భూపతిరెడ్డికి కేటాయిస్తూ సెకండ్ లిస్ట్‌లో పేర్కొంది.