సీపీఎం సంచలన ప్రకటన.. 17 స్థానాల్లో పోటీ
సీపీఎం పార్టీ సంచలన నిర్ణయం తీసుకుంది. 17 స్థానాల్లో పోటీ చేయబోతున్నట్లు అధికారికంగా ప్రకటిచించింది. అభ్యర్థుల పేర్లు ప్రకటించకుండా.. పోటీ చేయబోయే స్థానాలను ప్రకటించింది. కాగా, ఇంతకాలం కాంగ్రెస్‌తో పొత్తు ఉంటుందని భావించి అభ్యర్థుల ప్రకటనను ఆలస్యం చేసినట్లు సమాచారం.
దిశ, వెబ్‌డెస్క్: కాంగ్రెస్ పార్టీతో పొత్తుల విషయంలో సీపీఎం సంచలన నిర్ణయం తీసుకుంది. ఒంటరిగానే పోటీ చేయబోతున్నట్లు ప్రకటించింది. కాంగ్రెస్ తో పొత్తు అంశంపై ఇవాళ హైదరాబాద్ లోని పార్టీ కార్యాలయంలో సమావేశమయ్యారు. అనంతరం రాష్ట్ర కార్యదర్శి తమ్మినేని వీరభద్రం మీడియాతో మాట్లాడుతూ నిన్న భట్టి విక్రమార్క మాకు ఫోన్ చేసిన ఎలాంటి నిర్ణయం తీసుకోవద్దని కోరారు. అయితే ఇవాళ ఉదయం వరకు ఎదురు చూశాం. తామిచ్చిన డెడ్ లైన్ ముగియడంతో అనివార్య పరిస్థితుల్లో విడిగా పోటీ చేయాలని నిర్ణయించుకున్నామన్నారు. ఈ మేరకు తాము 17 స్థానాల్లో పోటీ చేస్తామని తమ్మినేని వెల్లడించారు. భద్రాచలం (ఎస్టీ), అశ్వరావుపేట(ఎస్టీ), పాలేరు, మధిర(ఎస్సీ), వైరా(ఎస్టీ), ఖమ్మం, సత్తుపల్లి(ఎస్సీ), మిర్యాలగూడెం, నల్లగొండ, నకిరేకల్(ఎస్సీ), భువనగిరి, హుజూర్‌నగర్, కోదాడ, జనగామ, ఇబ్రహీంపట్నం, పటాన్‌చెరు, ముషీరాబాద్ నియోజకవర్గాల్లో పోటీ చేయబోతున్నట్లు తెలిపారు..