వేణు స్వామి జాతకానికి అగ్ని పరీక్షగా మారిన తెలంగాణ ఎన్నికల ఫలితాలు?

దిశ, వెబ్‌డెస్క్: ప్రముఖ జ్యోతిష్యులు వేణు స్వామికి పరిచయం చేయాల్సిన పని లేదు. ఆయన నిత్యం సినీ సెలబ్రిటీలు, రాజకీయ నాయకుల జాతకాలు చెబుతూ సోషల్ మీడియాలో సంచలనం సృష్టిస్తుంటారు. అయితే టాలీవుడ్ స్టార్ హీరోయిన్ సమంత, నాగచైతన్య జంట విడిపోతారని ముందుగానే చెప్పి అందరినీ ఆశ్చర్యానికి గురి చేశారు. వీరిద్దరు పెళ్లి తర్వాత కొద్ది రోజులకు విడాకులు తీసుకుని విడిపోవడంతో అప్పటి నుంచి అందరూ వేణు స్వామి జాతకాన్ని నమ్మడం మొదలెట్టారు. దీంతో కొందరు హీరోయిన్స్ ఆయనతో పరిహార పూజలు కూడా చేయించుకున్నారు. దీనికి సంబంధించిన ఫొటోలు నెట్టింట వైరల్ అయ్యాయి. ఇదిలా ఉంటే.. తాజాగా, ఇప్పుడు తెలంగాణ అసెంబ్లీ ఎలక్షన్స్ కావడంతో అందరూ వేణు స్వామిని టార్గెట్ చేసుకున్నట్లు కనిపిస్తుంది. గతంలో ఆయన మరోసారి తెలంగాణలో కేసీఆరే సీఎం అని గతంలో చెప్పిన విషయం తెలిసిందే.

అలాగే ఏపీలో జగన్ అవుతారని పలు ఇంటర్వ్యూల్లో చెప్పుకొచ్చాడు. దీంతో అప్పటి నుంచి చాలా మంది భారీ ఎత్తు పందాలు కాసినట్లు సమాచారం. అయితే ఈ ఎన్నికలు రాష్ట్రవ్యాప్తంగా 69.09 శాతం పోలింగ్ నమోదైనట్లు తెలుస్తోంది. ఇందులో భాగంగా కాంగ్రెస్ పార్టీ గెలుస్తుందని అన్ని సర్వేలల్లో తేలింది. దీంతో అందరూ ఇప్పుడు వేణు స్వామిని టార్గెట్ చేసుకున్నారు. తెలంగాణ ఎన్నికలు ఆయనకు అగ్ని పరీక్షగా నిలిచాయని గుసగుసలాడుకుంటున్నారు. ఎందుకంటే.. ఇప్పటి వరకూ ఆయన చెప్పినవి చెప్పినట్టు జరిగాయి. ఇప్పుడు ఒకవేళ ఎలక్షన్స్‌లో కేసీఆర్ ప్రభుత్వం రాకుంటే ఇక వేణు స్వామి జాతకాలను ఎవరూ నమ్మకుండా పోతారు. మొత్తానికి తెలంగాణ ఎలక్షన్స్ ఫలితాలు వేణు స్వామి జాతకాన్ని మార్చేలా ఉన్నట్లు టాక్ నడుస్తోంది. మరీ ఆయన చెప్పినట్లు కేసీఆర్ మరోసారి సీఎం అవుతారో లేదో చూడాలి.