తెలంగాణలో బీజేపీతో పొత్తుపై చంద్రబాబు కీలక వ్యాఖ్యలు

దిశ, డైనమిక్ బ్యూరో: తెలంగాణ అసెంబ్లీ ఎన్నికలపై టీడీపీ దృష్టి సారించింది. వచ్చే ఎన్నికల్లో టీడీపీ ఒంటరిగానే బరిలోకి దిగుతామని టీడీపీ అధినేత చంద్రబాబు నాయుడు కీలక వ్యాఖ్యలు చేశారు. మంగళవారం ఢిల్లీలో మీడియాతో నిర్వహించిన చిట్‌చాట్‌లో చంద్రబాబు మాట్లాడుతూ.. తెలంగాణ ఎన్నికల్లో టీడీపీ పోటీ చేస్తుందని స్పష్టం చేశారు. పొత్తుల వ్యవహారంలో బీజేపీతో కలిసి వెళ్ళడానికి సమయం మించిపోయిందని చెప్పారు. తెలంగాణలో అన్ని స్థానాల్లో పోటీ చేయనున్నట్లు తెలిపారు. ఎవరు, ఎన్ని స్థానాల్లో పోటీపై కమిటీ ఏర్పాటు చేసినట్లు చంద్రబాబు తెలిపారు. ఏపీని ఎలా పునర్నిర్మించాలన్న ఆలోచనలో తాను ఉన్నట్లు.. బీజేపీతో అంతర్గతంగా ఏం చర్చిస్తున్నామనేది ఎవరికీ తెలియదని అన్నారు.

Read More : జనసేనతో పొత్తుపై చంద్రబాబు ఆసక్తికర వ్యాఖ్యలు