ఎమ్మెల్యే రసమయి ప్రచారంలో అనూహ్య పరిణామం (వీడియో)

దిశ, శంకరపట్నం: ఎన్నికల ప్రచారంలో అనూహ్య పరిణామం చోటుచేసుకుంది. మానకొండూరు నియోజకవర్గంలో బీఆర్ఎస్ అభ్యర్థి రసమయి బాలకిషన్ తరపున ప్రచారం నిర్వహిస్తున్న యువతి సొమ్మసిల్లి పడిపోయింది. వివరాల్లోకి వెళితే.. మంగళవారం శంకరపట్నం మండలం కొత్తగట్టు గ్రామంలో ఎమ్మెల్యే రసమయి కార్నర్ మీటింగ్ నిర్వహించారు. ఈ సందర్భంగా బీఆర్ఎస్ ప్రభుత్వం తీసుకొచ్చిన సంక్షేమ కార్యక్రమాల గురించి వివరించారు. ఈ క్రమంలో అంబాల అక్షయ అనే యువతి ఉన్నట్టుండి సొమ్మసిల్లి పడిపోయింది. దీంతో అందరూ ఒక్కసారిగా షాక్‌కు గురయ్యారు. వెంటనే గ్రామంలోని ఆర్‌ఎంపీ వైద్యుడు రమేశ్‌కు చూపించగా.. ప్రథమ చికిత్సను అందించాడు. ప్రస్తుతం యువతి ఆరోగ్యం నిలకడగా ఉంది.