రేవంత్ రెడ్డి హెలికాప్టర్‌లో సాంకేతిక సమస్య

దిశ, డైనమిక్ బ్యూరో: టీపీసీసీ చీఫ్ రేవంత్ రెడ్డి రాష్ట్ర వ్యాప్తంగా ఆయా నియోజకవర్గాల్లో ప్రచారం కోసం హెలికాప్టర్‌లో ప్రయాణిస్తున్న సంగతి తెలిసిందే. తాజాగా శనివారం రేవంత్ రెడ్డి ప్రయాణించాల్సిన హెలికాప్టర్‌లో సాంకేతిక సమస్య తలెత్తింది. దీంతో రేవంత్ రెడ్డి హెలికాప్టర్ ప్రయాణం రద్దు చేసుకుని రోడ్డు మార్గాన కామారెడ్డికి బయలుదేరారు. షెడ్యూల్ ప్రకారం ఇవాళ కామారెడ్డి నియోజకవర్గంలో చిన్న మల్లారెడ్డి, రాజంపేట్ మండలం, బిక్నూర్ టౌన్‌లలో ఎన్నికల ప్రచారం నిర్వహించాల్సి ఉంది. రోడ్డు మార్గాన వెళ్తున్నందున సభలకు ఆలస్యమయ్యే అవకాశం ఉంది.