నిశ్చితార్థం జరిగిన నెలకు పెళ్లి జరిగింది: సీపీఐ నారాయణ

దిశ, డైనమిక్ బ్యూరో: కాంగ్రెస్-సీపీఐ పొత్తులపై, కొత్తగూడెం టికెట్ ఇవ్వడంపై సీపీఐ జాతీయ కార్యదర్శి నారాయణ ఆసక్తికర వ్యాఖ్యలు చేశారు. నెల క్రితం నిశ్చితార్థం జరిగిందని, ఇవాళ పెళ్లి జరిగిందని ఆయన అన్నారు. సీట్లు ఎన్నిచ్చారని కాదు.. కేసీఆర్ నుంచి విముక్తి పొందాలని అన్నారు. బీఆర్ఎస్ చేతిలో దగాపడ్డ తెలంగాణను విముక్తి చేయడం తమ లక్ష్యమన్నారు. బీజేపీ, బీఆర్ఎస్, ఎంఐఎం మూడూ ఒక్కటేనని, బీజేపీ, బీఆర్ఎస్‌ను ఓడించేందుకే కాంగ్రెస్‌తో పొత్తని స్పష్టం చేశారు.