TS Election: ఈ సారి ఓటింగ్ పర్సంటేజ్ పెరుగుతుంది: సీఈవో

దిశ, వెబ్‌డెస్క్: అసెంబ్లీ ఎన్నికల పోలింగ్ సరళిపై సీఈవో వికాస్ రాజ్ స్పందించారు. గురువారం ఆయన మీడియాతో మాట్లాడుతూ.. ప్రశాంతంగా ఓటింగ్ ప్రక్రియ కొనసాగుతుందని అన్నారు. కొన్నిచోట్ల ఈవీఎంలలో ఇబ్బందులు వచ్చాయని తెలిపారు. వాటిని సెట్ చేయడానికి ప్రయత్నిస్తున్నామని పేర్కొన్నారు. ‘కొత్త ఓటర్లు, యువత ఓటు వేయడానికి రావాలి.. బూత్ ఎక్కడుంది అనేది యాప్‌లో తెలుసుకోండి. లొకేషన్‌తో పాటు ఉంటుంది. ఓటింగ్‌పై అవగాహన కల్పించాం.. ఎక్కడా ఎటువంటి ఇబ్బందులు లేకుండా ఓటింగ్ జరుగుతోంది. ఈసారి ఓటింగ్ పర్సెంటేజ్ పెరుగుతుంది’ సీఈఓ వికాస్ రాజ్ ధీమా వ్యక్తం చేశారు.