మోడీ చెప్పింది అంతా నిజమే.. ఎన్నికల ఇన్‌చార్జి కౌంటర్

దిశ, డైనమిక్ బ్యూరో: ప్రధాని నరేంద్ర మోడీపై మంత్రి కేటీఆర్ చేసిన వ్యాఖ్యలకు తెలంగాణ బీజేపీ ఎన్నికల ఇన్ చార్జి ప్రకాష్ జవదేకర్ కౌంటర్ ఇచ్చారు. ప్రధాని మోడీని అబద్దాల కోరు అంటావా కేటీఆర్ అంటూ తీవ్ర స్థాయిలో ఆగ్రహం వ్యక్తం చేశారు. ఎన్డీయేతో చేతులు కలిపేందుకు కేసీఆర్ ప్రధానిని కలిసిన మాట వాస్తవం కాదా? కేసీఆర్ కలిసిన తేదీలతో సహా ప్రధాని వెల్లడించారని ఇంతకంటే ఇంకేం కావాలని ప్రశ్నించారు. నిన్న ఇందూరు సభలో కేసీఆర్ పై ప్రధాని చేసిన వ్యాఖ్యలపై కేటీఆర్ స్పందించారు. కేటీఆర్ రియాక్షన్‌పై బుధవారం స్పందించిన జవదేకర్.. ప్రధాని పర్యటనలకు హాజరుకాకుండా కేసీఆర్ ప్రోటోకాల్ పక్కన పెట్టేశారని ఆగ్రహం వ్యక్తం చేశారు. కేసీఆర్‌తో బీజేపీ ఎప్పుడు కలవదని బీఆర్ఎస్, కాంగ్రెస్ ఒక్కటే అనే విషయం అనేకసార్లు బయటపడిందన్నారు.