తెలంగాణ BJP ఎమ్మెల్యే అభ్యర్థి బుల్డోజర్ ర్యాలీ (వీడియో)

దిశ, డైనమిక్ బ్యూరో: తెలంగాణలో రేపు నామినేషన్ల ప్రక్రియకు చివరి రోజు కావడంతో రాష్ట్ర వ్యాప్తంగా అసెంబ్లీ సెగ్మెంట్లలో నామినేషన్లు వేస్తున్నారు. ఇండిపెండెంట్ అభ్యర్థి నుంచి మొదలు జాతీయ పార్టీల అభ్యర్థుల వరకు భారీ ర్యాలీలతో వచ్చి నామినేషన్ వేస్తున్నారు. అయితే నామినేషన్ వేయడానికి పాదయాత్ర, బైక్, వివిధ వాహనాలపై ర్యాలీగా వస్తుంటారు. కానీ, బీజేపీ పటాన్‌చెరు అభ్యర్థి నందీశ్వర్ గౌడ్ మాత్రం వినూత్న ర్యాలీతో నామినేషన్ వేయడానికి వచ్చారు. అతని నామినేషన్ దాఖలు చేసేందుకు ఏకంగా బుల్డోజర్ ర్యాలీ చేపట్టారు. దీంతో అతని నామినేషన్ సర్వత్రా చర్చనీయాంశంగా మారింది. ఈ ర్యాలీకి సంబంధించిన వీడియోలు సోషల్ మీడియాలో వైరల్‌గా మారాయి. వీడియో కోసం ఈ లింక్‌ను క్లిక్ చేయండి: https://youtube.com/shorts/oejn3NchZNg