అక్కడినుంచే పోటీ చేస్తా.. ఇందులో ఎలాంటి అనుమానం లేదు: బండి సంజయ్

దిశ, వెబ్‌డెస్క్: రాబోయే అసెంబ్లీ ఎన్నికల్లో పోటీపై బీజేపీ జాతీయ ప్రధాన కార్యదర్శి, కరీంనగర్ ఎంపీ బండి సంజయ్ మరోసారి క్లారిటీ ఇచ్చారు. శుక్రవారం ఆయన మీడియాతో మాట్లాడుతూ.. తాను తప్పకుండా కరీంనగర్ నుంచే పోటీ చేస్తానని స్పష్టం చేశారు. ఇందులో ఎటువంటి అనుమానం లేదని వెల్లడించారు. ఇప్పటికే కరీంనగర్ అసెంబ్లీ ఎన్నికల పని మొదలు పెట్టినట్లు తెలిపారు. డబ్బు, అధికారంతో బీఆర్ఎస్ రాజకీయాలు చేయాలనుకుంటోందని మండిపడ్డారు. తమకు పార్టీ కార్యకర్తలే కొండంత బలం అని చెప్పారు. ఇదిలా ఉండగా.. సికింద్రాబాద్ పరేడ్ గ్రౌండ్‌ నుంచి బీజేపీ అధ్యక్షుడు కిషన్ రెడ్డి భారీ బైక్ ర్యాలీ నిర్వహించారు. తెలంగాణ విమోచన దినోత్సవ వేడుకల్లో భాగంగా శుక్రవారం నిర్వహించిన ఈ ర్యాలీని ప్రకాశ్ జావదేకర్ ప్రారంభించారు. ఈ బైక్ ర్యాలీ పరకాల వరకు సాగనుంది.