Jaggareddy: సోనియా, రాహుల్‌ ఆశీర్వాదంతో.. వచ్చే పదేళ్లలో సీఎం అవుతా: జగ్గారెడ్డి

దిశ, వెబ్‌డెస్క్: తెలంగాణ రాజకీయాల్లో నిత్యం వార్తల్లో ఉండే నేతల్లో కాంగ్రెస్ సీనియర్ నాయకుడు జగ్గారెడ్డి ముందు వరుసలో ఉంటారు. ఆయన ఏమీ మాట్లాడిన కాంట్రవర్సీ గానే ఉంటుంది. రాష్ట్రంలో కాంగ్రెస్ అధికారంలోకి వచ్చినప్పటి ఆయన ఎమ్మెల్యేగా గెలవలేక పోయాడు. దీంతో ఆయనకు ప్రభుత్వంలో తగిన గుర్తింపు దక్కడం లేదని.. మీడియా వేదికగా చెప్పుకొస్తున్నారు. ఈ క్రమంలో ఈ రోజు హైదరాబాద్ బోనాల పండుగ సందర్భంగా సంగారెడ్డిలో ఘనంగా బోనాల ఉత్సవాలను జగ్గారెడ్డి ఆధ్వర్యంలో ఘనంగా నిర్వహించారు. ఈ బోనాల ఉత్సవాలను చూసేందుకు భారీ స్క్రీన్‌లు ఏర్పాటు చేశారు. అలాగే నగరంలోని రామ్‌మందిర్‌ నుండి దుర్గమ్మ గుడి వరకు ఊరేగింపు చేశారు. అనంతరం జగ్గారెడ్డి మీడియాతో మాట్లాడుతూ సంచలన వ్యాఖ్యలు చేశారు. నేను ప్రస్తుతం ఎమ్మెల్యేని కాదు.. కానీ సోనియా, రాహుల్‌ ఆశీర్వాదంతో..వచ్చే పదేళ్లలో సీఎం అవుతానండు జగ్గారెడ్డి సంచలన వ్యాఖ్యలు చేశారు. కాగా ప్రస్తుతం ఈ వ్యాఖ్యలు కాంగ్రెస్ పార్టీలో ప్రకంపనలు సృష్టిస్తున్నాయి.